„ერთიანი ნაციონალური მოძრაობის“ წევრი თინა ბოკუჩავა ხაზარაძე-ჯაფარიძის საქმეს ანაკლიის პროექტთან აკავშირებს.

ბოკუჩავა ვარაუდობს, რომ პარტია „ქართული ოცნების“ თავმჯდომარეს, ბიძინა ივანიშვილს არჩევნებამდე ანაკლიის პორტის მშენებლობის შეფერხება, ხოლო არჩევნების მოგების შემთხვევაში - მისი საერთოდ გაუქმება სურს.

„პირველივე დღიდან, როდესაც დაიწყო კამპანია მამუკა ხაზარაძის და ბადრი ჯაფარიძის წინააღმდეგ, ნათელი იყო, რომ ბიძინა ივანიშვილს პირადად ამოძრავებდა კონკრეტული მიზნები და ეს იყო, სავარაუდოდ, მათი განეიტრალების სამომავლო შესაძლო პოლიტიკური გეგმებიდან გამომდინარე და მეორე, დარტყმა ანაკლიის ღრმაწყლოვანი პორტის პროექტზე, რაზეც ძალიან ხმამაღლა საუბრობენ ჩვენი სტრატეგიული პარტნიორები. მიმდინარე გამოძიება არის პოლიტიკური ბრძოლის ნაწილი ბიძინა ივანიშვილის მხრიდან იმისთვის, რომ ორი მთავარი მოთამაშე, რომელიც ჩართულია ანაკლიის პორტის განვითარებაში, ჩამოაშოროს ამ პროექტს იმისთვის, რომ დროებით შეჩერდეს არჩევნებამდე, ხოლო არჩევნებს თუ მოიპარავს, საერთოდ გააუქმოს ეს პროექტი“, - განაცხადა თინა ბოკუჩავამ.

ავტორი: ექსპრესნიუსი,

სოციალური ქსელები

ბელარუსის ოპოზიციამ უკრაინას მინსკის მიერ ომისთვის შესაძლო მზადების ნიშნების შესახებ ანგარიში გადასცა

ირანი და ომანი ჰორმუზის სრუტეში გადასასვლელად გადასახადს არ დააწესებენ

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა