"რუსთავი 2"-ის ყოფილი გენერალური დირექტორი ადამიანის უფლებათა ევროპულ სასამართლოს აკრიტიკებს. 

მას შემდეგ რაც, პროკურატურამ ნიკა გვარამია "რუსთავი 2"-ის თანხების მითვისების და ქონების გადამალვის საქმეზე გამოკითხვაზე დაიბარა, გვარამიამ სტრასბურგის სასამართლო უსამართლო და უგუნურად მიღებულ გადაწყვეტილებაში [რომელიც, რუსთავი 2"-ის ეხება] დაადანაშაულა. 

"კარგად დააკვირდეს სტრასბურგის სასამართლო European Court of Human Rights, საკუთარი დაუსაბუთებელი, უსამართლო და კონვენციის და სამართლის ფუნდამენტური პრინციპების და საბაზისო ჭეშმარიტებების დარღვევით, ყველაზე უარესად კი, კონტექსტის გაუთვალისწინებლად უგუნურად მიღებული გადაწყვეტილების შედეგად, როგორ ამოუშვა დიქტატურის ჯინი ბოთლიდან ქვეყანაში, სახელად საქართველო.

კარგად დააკვირდეს და დაიმახსოვროს: ქართველი პატრიოტები მის ამ უკვე ბოროტმოქმედების რანგში ასულ ისტორიულ სირცხვილს არ და ვერ დავივიწყებთ. ვერ დავივიწყებთ, დასავლეთმა როგორ მოკლა დასავლეთი. ვერ დავივიწყებთ, მაგრამ მაინც ვიბრძოლებთ დასავლეთისთვის და მისთვისვე, ადამიანის უფლებათა ევროპული სასამართლოსთვის, როგორც დასავლური ინსტიტუციისთვის", - წერს ნიკა გვარამია Facebook-ის საკუთარ გვერდზე. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით