"ევროპული საქართველოს" წევრის ოთარ კახიძის განცხადებით, ეროვნულმა ვალუტამ მკვეთრი გაუფასურება "ქართული ოცნების" მმართველობის პირობებში დაიწყო. 

კახიძეს მაგალითად 2012 წლიდან დღემდე ლარის გაუფასურების სტატისტიკა მოყავს და აცხადებს, რომ ხელისუფლება პასუხისმგებლობას გაურბის. მისივე თქმით, მმართველი გუნდი ცდილობს, ლარის გაუფასურებასთან დაკავშირებული  საკითხები ოპოზიციას გადააბრალოს. 

"ლარის კურსი 2012 წელს იყო 1.65 და ქართული ოცნების მმართველობის განმავლობაში ასე უფასურდებოდა: 2013 - 1.73 (პიკი); 2014 - 1.86, (პიკი - 1.95) ;2015 - 2.39, (პიკი - 2.44); 2016 - 2.64, (პიკი - 2.77); 2017 - 2.59, (პიკი - 2.76); 2018 - 2.67, (პიკი - 2.76); 2019 - 2.93 (პიკი ჯერ არ ვიცით). 

მიზეზებად ხელისუფლება ასახელებდა: ოპოზიციას, საგარეო შოკებს, გიორგი ქადაგიძეს, ოპოზიციის მიერ შექმნილ მოლოდინებს, დოლარის გამყარებას, იმას, რომ მოსახლეობას ბანკირები არ ჰყავდა დაქირავებული და ისევ ოპოზიციას - მოკლედ, ყველას და ყველაფერს, საკუთარი თავის გარდა. სინამდვილეში ლარი უფასურდება, რადგან ქვეყანაში არ შემოდის საკმარისი რაოდენობით სიმდიდრე.

სიმდიდრე შემოდის, როდესაც: ა) გარეთ ვყიდით ჩვენთან წარმოებულ პროდუქციას; ბ) უცხოელი ინვესტორები ჩამოდიან და აბანდებენ ფულს; გ) ტურისტები ჩამოდიან და ხარჯავენ ფულს; დ) ადამიანები გარედან რიცხავენ ფულს საქართველოში.

როცა ინვესტიციებს ვერ იზიდავენ, ხოლო მოზიდულს ბარიერებს უქმნიან, როცა გარეთ ვერ ყიდიან საკმარის პროდუქციას და ეკონომიკა ვერ იზრდება, როცა ადამიანებს ახალ რეგულაციებს უგონებენ - მივდივართ უკან. ლარი უფასურდება და ჩვენ უკან მივდივართ ბიძინა ივანიშვილის და ქართული ოცნების მავნებლური პოლიტიკის გამო. ეს არის სიმართლე", - წერს ოთარ კახიძე Facebook-ის საკუთარ გვერდზე. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით