თბილისის არქიტექტურის ბიენალეს ორგანიზებითა და თიბისი სტატუსის მხარდაჭერით თბილისს „მის ვან დერ როეს" ფონდის პროგრამებისა და ჯილდოების კურატორი - ივან ბლასი ეწვია.

ივან ბლასთან დახურული შეხვედრა თიბისი სტატუსის მომხმარებლებისათვის ჩატარდა, მეორე დღეს კი ყველა მსურველს ჰქონდა დასწრების შესაძლებლობა.

ლუდვიგ მის ვან დერ როე XX საუკუნის ერთ-ერთი ყველაზე მნიშვნელოვანი და გავლენიანი არქიტექტორი იყო, რომლის სახელობის ფონდიც ბარსელონაში 1983 წელს დაარსდა და ბოლო რამდენიმე წელია სპეციალურ პრემიას გასცემს თანამედროვე არქიტექტურის სფეროში (European Union Prize for Contemporary Architecture – Mies van der Rohe Award). პრემია ორ წელიწადში ერთხელ ევროპულ თანამედროვე, საუკეთესო არქიტექტურულ პროექტებს გადაეცემა. მისი მთავარი მიზანია ხელი შეუწყოს თანამედროვე არქიტექტურის განვითარებას. ბოლო რამდენიმე წელია კონკურსში საქართველოც მონაწილეობს, რაც უმნიშვნელოვანესია ქვეყანაში ამ სფეროს განვითარებისათვის.

ორივე შეხვედრაზე ივან ბლასმა ისაუბრა ფონდის საქმიანობისა და პრიზის შესახებ - "მის ვან დერ როეს ჯილდო - ევროკავშირის პრიზი თანამედროვე არქიტექტურაში"; ასევე, პრიზზე წარდგენილი ქართული და უცხოური არქიტექტურული ბიუროების შესახებ.

დისკუსიაში მონაწილეობა მიიღეს 2019 წლის გამარჯვებული პროექტის ერთ-ერთმა თანაავტორმა - ფრედერიკ დრუომ და პრიზზე თავის დროზე წარდგენილმა ქართველმა არქიტექტორებმა.

(R)

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს