ფშაველი-ომალოს გზაზე, სადაც ავტოსაგზაო შემთხვევა მოხდა, მაშველები ამ დრომდე 17 წლის ბიჭს ეძებენ.

სამძებრო სამუშაოები დღეს დილიდან განახლდა. ხეობაში მძიმე ტექნიკა და დამატებითი სამაშველო ძალებია მობილიზებული. 

კახეთის სამაშველო სამმართველოს უფროსის, გიორგი ჩარკვიანის განცხადებით, სამძებრო სამუშაოების გამო ფშაველი-ომალოს დამაკავშირებელი ერთადერთი საავტომობილო გზა გადაკეტილია.

„დღეს დილის 6 საათიდან კვლავ განახლდა საძიებო-სამაშველო ოპერაციები. ხეობაში დამატებით მობილიზებულია როგორც სახანძროს სამაშველო დანაყოფები, ასევე ხეობაში შეყვანილია მძიმე ტექნიკა იმისათვის, რომ მოხდეს მდინარე სტორის ხეობის სიღრმეში გადავარდნილი სატვირთო ავტომობილის ამოყვანა ნაპირზე. პოლიციის მიერ ორმხრივად არის ამ ეტაპზე ჩაკეტილი მთა-თუშეთისკენ მიმავალი გზა, რათა არ მოხდეს საქართველოს მოქალაქეებისა და უცხოელი ტურისტების შეფერხება გზის იმ მონაკვეთზე, სადაც როგორც აღვნიშნე, დამატებით შეყვანილია ეს მძიმე ტექნიკა და მიმდინარეობს ხეობაში გადავარდნილი სატვირთო ავტომობილის ამოყვანა“, - განაცხადა ჩარკვიანმა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს