პროკურატურამ უნიჭო განცხადებებით, 2 დღეში ქართულ კომპანიებს მილირდი ლარი დააკარგვინა, - ამის შესახებ „თიბისი ბანკის“ დამფუძნებელმა მამუკა ხაზარაძემ თბილისის საქალაქო სასამართლოში შესვლის წინ ჟურნალისტებს განუცხადა.

 მისი შეფასებით, ხელისუფლება მისსა და ბადრი ჯაფარიძის 2 მილიონს, 1 მილიარდიან ინვესტიციაში ცვლის.

„5 წუთიანი დოკუმენტისა და მასალის გადმოსაცემად, პროკურატურამ ჩაატარა მესამედ ქვეყნის საწინააღმდეგოდ მიმართული ბრიფინგი, რომელმაც ქართულ ეკონომიკას დააკარგვინა ისედავ მყიფე საინვესტიციო რეპუტაცია, დააკარგვინა ძალიან მსხვილი ინვესტორები და ქართულ კომპანიებს, რომლებიც ლონდონის ბიჟაზე არიან 2 დღის განმავლობაში დაუგდო ღირებულება დაახლოებით მილიარდი ლარის ოდენობით. ჩვენმა ეკონომიკამ 2 დღეში პროკურატურის უნიჭო განცხადებით, ისევე როგორც 6 თვის წინ ქვეყანას მიაყენა უზარმაზარი ზარალი. დღეს ჩვენ აქ მოვედით  და გავიგეთ პრესიდან, რომ თურმე მილიონ ლარს გვთხოვენ, ეს არის დღევანდელი მთავრობისა და დღევანდელი პოლიტიკის შედეგი, როცა მილიარდ ლარ ინვესტიციას, ბადრი და მამუკას 2 მილიონ ლარში ცვლიან. აღარ ვლაპარაკობ რეპუტაციაზე, ნდობაზე და საერთოდ იმ გაუგებარ პოზიციაზე, რომელიც დღეს სამწუხაროდ, ჩვენს ხელისუფლებას აქვს. ჩვენ ვართ კანონმორჩილი ადამიანები, არასდროს კანონი არ დაგვირღვევია, ბოლო 29 წლის განმავლობაში რაც ბიზნეს ვაკეთებთ“, - აღნიშნა მამუკა ხაზარაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა