აქიმიძე: ქიბარ ხალვაშმა შეიძინა არა წილი, არამედ გახდა ჩვენი გარანტორი „რუსთავი 2“-ის ვალთან დაკავშირებით

2019-07-26 13:28:11, 1365 ნახვა

კომენტარი

"რუსთავი 2"-ის დამფუძნებლები დავით დვალი და ჯარჯი აქიმიძე პარლამენტში დამოუკიდებელ დეპუტატებს ხვდებიან.

შეხვედრა ცოტა ხნის წინ დაიწყო. როგორც შეხვედრის დაწყებამდე ჯარჯი აქიმიძემ ჟურნნალისტებს განუცხადა, ტელეკომპანიის დამფუძნებლები ახლანდელ მფლობელს ქიბარ ხალვაშს საბუთების გაფორმებამდე არ შეხვედრილან.

"იქიდან გამომდინარე, რომ წლების წინ ჩვენთან საუბარი ჰქონდათ იმ დროს ქვეყნის უმაღლესი თანამდებობების მქონე პირებს, ესენი იყვნენ ზურაბ ადეიშვილი და ვანო მერაბიშვილი, ქიბარ ხალვაშთან კომუნიკაცია არ გვქონია, ის საერთოდ არ გვინახავს. ვნახეთ მხოლოდ ნოტარიუსთან, როდესაც ხელი უნდა მოეწერა საბუთზე. თუმცა გაზგასმით მინდა აღვნიშნო, რომ მან არა წილი შეძინა ჩვენგან, არამედ ქიბარ ხალვაში გახდა იმ დოკუმენტის მიხედვით გარანტორი "რუსთავი 2"-ის ვალთან დაკავშირებით, ანუ ჩვენ მოგვეხსნა ვალის ვალდებულება. ვალი გადაიბარა ქიბარ ხალვაშმა, როგორც მომავალმა მფლობელმა", - განაცხადა აქიმიძემ.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან