2019-07-16 11:42:11, 1803 ნახვა
რეგიონი
აჭარის მთავრობა სტიქიითა და ხანძრით დაზარალებულ ოჯახებს დაეხმარება
აჭარის მთავრობა სტიქიისა და ხანძრის შედეგად დაზარალებულ 10 ოჯახს 95 020 ლარით დაეხმარება.
აჭარის ჯანდაცვის სამინისტროს ინფორმაციით, თანხა აჭარის მთავრობის სარეზერვო ფონდიდან გამოიყოფა.
საკითხი სტიქიური მოვლენების შედეგად მიყენებული ზარალის სალიკვიდაციო შერეული სამთავრობო კომისიის სხდომაზე განიხილეს, გადაწყვეტილება დასამტკიცებლად აჭარის მთავრობის თავმჯდომარეს გადაეგზავნება. აღნიშნული თანხიდან 70 020 ლარი ქ. ბათუმში მცხოვრებ ხანძრის შედეგად დაზარალებულ 8 ოჯახზე გადანაწილდება, რათა დაზარალებულემა შეძლონ სახლების აღდგენა-გამაგრება. ამავე მიზნით 25 000 ლარს ქობულეთის მუნიციპალიტეტში მცხოვრები ხანძრისა და სტიქიის შედეგად დაზარალებული 2 ოჯახი მიიღებს.
(NS)
ავტორი: ექსპრესნიუსი,
epn.ge (@expressnews.ge)
