„დღეს ჩვენი ეროვნული ინტერესები, მართლაც გადის განათლებაზე, რასაც სჭირდება კიდევ უფრო მეტი ხელშეწყობა, განსაკუთრებული ზრუნვა სახელმწიფოს მხრიდან და ჩვენ ამას ვაკეთებთ! ამ მიმართულებით  სახელმწიფო ძალიან დიდ რესურსს ხარჯავს“, - ამის შესახებ აჭარის მთავრობის თავმჯდომარემ თორნიკე რიჟვაძემ ბათუმში, კავკასიის უნივერსიტეტის მშენებლობის პრეზენტაციაზე სიტყვით გამოსვლისას განაცხადა.

როგორც მან აღნიშნა, დაახლოებით 10 სტუდენტი ყოველწლიურად ამ უნივერსიტეტში უფასოდ ჩაირიცხება.

„უნივერსიტეტის ხელმძღვანელობასთან ჩვენ შევთანხმდით, რომ დაახლოებით 10 სტუდენტი ყოველწლიურად ამ უნივერსიტეტში უფასოდ ჩაირიცხება და მადლობა მინდა გადავუხადო უნივერსიტეტის დამფუძნებლებს ამ ძალიან სასარგებლო შეთანხმებისთვის. დარწმუნებული ვარ, ძალიან ბევრი ადგილობრივი ახალგაზრდა ბათუმში, ადგილზე შეძლებს ხარისხიანი განათლების მიღებას.

ბუნებრივია, ჩვენი მოლოდინი არის, რომ ამ ქვეყანას ეყოლება განათლებული ახალგაზრდები, რომლებიც შეძლებენ ააშენონ უკეთესი საქართველო და გააძლიერონ ჩვენი ქვეყანა. ეს არის მართლაც ეროვნული იდეა და ამ იდეის ხორცშესხმით არის შესაძლებელი ვუპასუხოთ ყველა იმ გამოწვევას, რომელიც გვაქვს", - აღნიშნა სიტყვით გამოსვლისას თორნიკე რიჟვაძემ. 

(NS)

ავტორი: ექსპრესნიუსი,

სოციალური ქსელები

ზელენსკიმ ტრამპთან საუბრის დეტალები გაამხილა

ვუჩიჩი გადადგომამდე თბილისში ჩამოვა

ესაა სახელმწიფოს პოლიტიკა, რაზეც პასუხისმგებლობა ივანიშვილსა და ოცნებას ეკისრებათ - TI წამებაზე

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა