რუსთაველის გამზირზე, პარლამენტის წინ მიმდინარე ორივე აქცია - (ანტისაოკუპაციო და ძალადობრივი) დაიშალა.

ანტისაოკუპაციო აქცია „სირცხვილია“ 19:00 საათზე განახლდება.

დღეს პროტესტის მეოცე დღეა.

აქციის ერთ-ერთი ორგანიზატორის, შოთა დიღმელაშვილის განცხადებით, სამართალდამცველები დაპირდნენ რომ საღამოს ადგილი თავისუფალი დახვდებათ.

რაც შეეხება, ძალადობრივი აქციის ორგანიზატორებს, გურამ ფალავანდიშვილის განმარტებით, მათ შს მინისტის გიორგი გახარიას გადადგომა და დეოკუპაცია არ აინტერესებთ. მათი მთავარი მიზანი, „თბილისი პრაიდის“ არ ჩატარება მიღწეულია და პარლამენტის წინ დარჩენის მიზანს ვერ ხედავენ.

შეგახსენებთ, რომ 8 ივლისს პარლამენტთან  ერთდროულად ორი აქცია მიმდინარეობდა. „სირცხვილიას“ დემონსტრანტებს ძალადობრივმა ჯგუფებმა  პარლამენტის წინ დადგომის საშუალება არ მისცეს და არც აპარატურა ააწყობინეს. აქციის მონაწილეებს ერთმანეთისგან პოლიციის კორდონი და ყვითელი ავტობუსები ჰყოფდა. აქციის მონაწილეებმა მთელი ღამე რუსთაველის გამზირზე გაათენეს. მათ შორის დაპირისპირებასაც ჰქონდა ადგილი.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ჯანმო- ევროპაში უკიდურესი სიცხის გამო ერთ კვირაში 1300-ზე მეტი ადამიანი დაიღუპა

გვარამია: ხოშტარიას საკითხზე ველოდებით ადეკვატურ გადაწყვეტილებას, წინააღმდეგ შემთხვევაში საპასუხო რეაგირება გვექნება

ევროპულმა სასამართლომ 5 სამოქალაქო ორგანიზაციის დაყადაღების საქმეზე არსებითი განხილვა დაიწყო

პირველი ქართული YouTube ბიზნესშოუ - Punchline Profit მეორე ეპიზოდით გრძელდება