2019-07-08 16:02:50, 1181 ნახვა
საზოგადოება
პარლამენტთან, სადაც ძალადობრივი ჯგუფები იმყოფებიან, ლგბტ დროშა ააფრიალეს
პარლამენტის შენობასთან მიმდინარე აქციაზე, რომელსაც ჰომოფობიური განწყობის მქონე მოქალაქეები და სასულიერო პირები მართავენ, ლგბტ დროშა ააფრიალეს.
„ექსპრესნიუსის“ კორესპონდენტის ინფორმაციით, ცოტა ხნის წინ, ადგილზე დრონი გამოჩნდა, რომელზეც ლგბტ დროშა იყო დამაგრებული.
აღნიშნულს აქციის მონაწილეებმა პროვოკაცია უწოდეს და განაცხადეს, რომ ეს „ლგბტ თემის ისტერიული საცოდაობის დემონსტრირებაა“.
„ცისარტყელა აქამდეც იყო და ამის შემდეგაც იქნება ქართულ ცაზე. ეს ჩვენი შეურაცხყოფა არ არის, მათი უსუსური, ისტერიული საცოდაობის დემონსტრირებაა. ყვირილს და გინებას არ დავიწყებთ“, - განაცხადა ბიზნესმენმა ლევან ვასაძემ.
ავტორი: ექსპრესნიუსი,
epn.ge (@expressnews.ge)
