"დავიცავ თითოეულ პოლიციელს, რომელსაც დღეს ზოგიერთი ჩვენი მოქალაქე, ცდილობს, ბულინგის სახით მოუწყოს რაღაც სახალხო სასამართლო" , - ამის შესახებ შინაგან საქმეთა მინისტრმა გიორგი გახარიამ მედიასთან შეხვედრის დროს განაცხადა. 

გახარიას თქმით, 20-21 ივნისის ღამეს პოლიციამ ლეგიტიმური უფლება გამოიყენა ძალა გამოეყენებინა. მისივე თქმით, არსებობს გარკვეული კითხვები, ზოგიერთ ეპიზოდთან დაკავშირებით და გამოძიება უკვე მიმდინარეობს. 

"მე ვთვლი, რომ პოლიციამ იმ მძიმე ღამეს, გამოიყენა ლეგიტიმური უფლება, გამოეყენებინა ძალა. პროპორციულობის ნაწილში არსებობს გარკვეული კითხვები გარკვეულ ეპიზოდებთან დაკავშირებით, რომელიც ასევე არის დეტალურად გამოსაძიებელი. აბსოლუტურად ვყოფ პოლიტიკურ და სამართლებრივ ნაწილს. სამართლებრივი ნაწილი, რომელიც მისაყვანია ბოლომდე, გამოსაძიებელია და ამას ვიძიებთ აბსოლუტურად ღიად, ამაში მზად ვართ ჩაერთოს ყველა დაინტერესებული მხარე. სანამ არ იქნება დასმული წერტილი და არ გაეცემა პასუხი ამ პროპორციულობის ნაწილს, მე ვარ აქ და დავიცავ თითოეულ პოლიციელს, რომელსაც დღეს ზოგიერთი ჩვენი მოქალაქე, ცდილობს, ბულინგის სახით მოუწყოს რაღაც სახალხო სასამართლო. როდესაც ჩვენ ვსაუბრობთ, რომ ეს არის ის შემთხვევა, რომელიც საზოგადოების ყველა მხარესთან ერთად უნდა დავჯდეთ და დეტალურად განვიხილოთ, არ დაგავიწყდეთ ერთი რამ, ჩვენ თუ გვინდა, ავაშენოთ სამართლებრივი სახელმწიფო, დაუშვებელია ფიზიკური ძალადობით შტურმის მიტანა სახელმწიფო ინსტიტუტებზე. მგონი ამაზე უნდა შევთანხმდეთ ყველა და ასევე უნდა შევთანხმდეთ, რომ დაუშვებელია იმ ადამიანებზე ბულინგი და თავდასხმა, რომლებიც ცდილობენ ეს ინსტიტუტები, სახელმწიფო და კონსტიტუცია დაიცვას. თითოეული ღირსეული პოლიციელი, ვინც კეთლინსინდისიერად შეასრულა იმ მძიმე ღამეს თავისი ფუნქცია, ის ასრულებდა არა მხოლოდ თავის სამსახურებრივ მოვალეობას, ის თავის ქვეყანას ემსახურებოდა. ასეთი ხალხი იქ იყო რამოდენიმე ასეული და როდესაც ჩვენ ვამბობთ, რომ ძალის გამოყენება იყო ლეგიტიმური, რატომ არ გინდათ რომ დავიწყოთ საერთო მიზეზებით, რა მოხდა და როგორ. მე გეუბნებით, ეს იყო აბსოლუტურად ლეგიტიმური გამოყენება ძალის, ეს ადამიანები იყვნენ იძულებული, გამოეყენებინათ სპეციალური აღჭურვილობა. ეს იყო ტრაგიკული შემთხვევა, მაგრამ ის ნაწილი, როდესაც პროპორციულობაზე ვსაუბრობთ და ჩვენ მართლა გვაქვს დაფიქსირებული რამოდენიმე მძიმე შემთხვევა და ვამბობთ, რომ მზად ვართ ამ შემთხვევაზე გვქონდეს სწორი, გამჭვირვალე რეაგირება, იმისთვის რომ ხვალ და ზეგ მსგავსი აღარ განმეორდეს, როდესაც ადამიანებს, რომლებიც კიდევ ვალდებული არიან წლების განმავლობაში პასუხი აგონ ჩვენი მოქალაქეების ჯანმრთელობაზე, მათ სიცოცხლეზე, და როდესაც ვამბობთ, რომ თუ ვიღაცამ რაღაც დააშავა, ამაზე ვიმსჯელოთ, არის შემადგენლობა? ადამიანები უნდა იყვნენ დასჯილი მაგრამ ეს არ ნიშნავს იმას, რომ ეს ადამიანები, რომლებიც პასუხს აგებენ ამ ქვეყნის უსაფრთხოებაზე, უნდა გახდნენ სამართლის პროცედურების გარეშე ვიღაცის განსჯის საგანი", - განაცხადა გახარიამ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით

ცხინვალის „ლიდერის“ მოვალეობის შემსრულებლად რუსეთის მოქალაქე მარატ კამბოლოვი დაინიშნა