"ის, რაც 20 ივნისს მოხდა პარლამენტში, არის შეცდომა, ეს არ უნდა მომხდარიყო; ამან გამოიწვია ჩვენი საზოგადოების გულწრფელი ვნებათაღელვა, მშვიდობიანი პროტესტი, რომელიც შემდგომ „ნაციონალურმა მოძრაობამ" გამოიყენა პროვოკაციისთვის და შედეგად დაზარალდნენ ადამიანები, - ამის შესახებ საქართველოს პრემიერ-მინისტრმა „მოამბეში" პირდაპირი ჩართვისას განაცხადა.

მთავრობის მეთაურმა აღნიშნა, რომ ამ წუთებში ყველაზე მთავარია დაზარალებული მოქალაქეებისა და პოლიციელების ჯანმრთელობა და სახელმწიფო უზრუნველყოფს მათ მკურნალობას საუკეთესო კლინიკებში, მათ შორის საზღვარგარეთ, ასევე ჩამოიყვანს საუკეთესო სპეციალისტებს, ვინაიდან ადამიანის ჯანმრთელობაზე მნიშვნელოვანი არაფერია.

„ის, რაც 20 ივნისს დილით ვიხილეთ, იყო ძალიან მძიმე სურათი ნებისმიერი ქართველისთვის. ერისთვის, რომლისთვისაც მრავალსაუკუნოვანი ისტორიის განმავლობაში თავისუფლება ყველაზე დიდი ფასეულობაა, ეს განსაკუთრებით ემოციური იყო. ეს იყო ძალიან დიდი ნეგატივის მომტანი და სოლიდარული ვიყავით იმ შეფასებებისა, რაც ქართულმა საზოგადოებამ გააკეთა. ჩვენი გუნდის წევრებმაც საკმაოდ მწვავე განცხადებები გააკეთეს. შემდეგ ასამბლეა შეჩერდა და რუსეთის დელეგაციამაც დატოვა თბილისი. საღამოს ვიხილეთ გულწრფელი და სამართლიანი პროტესტი, მათ შორის ეს მოდიოდა ჩვენი ახალგაზრდებისგან და ჩვენ, ყველა ერთიანი ვართ ამ შეფასებაში. მოგვიანებით განვითარებულმა მოვლენებმა გვიჩვენა, რომ „ნაციონალურმა მოძრაობამ" რომელიც წლების განმავლობაში ცდილობს, დესტაბილიზაცია შემოიტანოს საზოგადოებრივ ცხოვრებაში, ისარგებლა გულწრფელი პროტესტით და შეეცადა, ეს გამოეყენებინა პროვოკაციისთვის. ვიხილეთ მძიმე კადრები და დავინახეთ, რომ სამართალდამცავები პარლამენტის შენობის პერიმეტრს არ გაცილებიან, ვიდრე იყო ამის თეორიული შესაძლებლობა. მიმდინარეობდა შეტევა პარლამენტის შენობაზე, ძალადობა პოლიციელებზე და ისინი იძულებული იყვნენ, გამოეყენებინათ ე.წ სპეციალური საშუალებები, რომ დაეშალათ აგრესიულ ადამიანთა ჯგუფი", - განაცხადა პრემიერმა.

მამუკა ბახტაძის შეფასებით, სამწუხაროდ, შედეგად დაზარალდნენ მოქალაქეები, პოლიციელები, თუმცა ძალიან მნიშვნელოვანია, მოვლენებს შეფასება ამ ქრონოლოგიაზე დაყრდნობით მიეცეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნავროცკიმ ზელენსკის მიმართა „თეთრი არწივის“ სკანდალის ფონზე

ღობის საქმის მოსამართლე: თქვენ ყველანი პატიოსანი ადამიანები ხართ, მაგრამ კანონი დაარღვიეთ

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს