ხვალ, თავისუფლების მოედანზე აქცია "დროა - მშვიდობა ომზე მეტია!" გაიმაართება. 

სოციალურ ქსელში აქციის ანონსი უკვე გავრცელდა. მას რიგითი მოქალაქეები გამართავენ.

"1 წლის წინ, როდესაც რუსებმა მოკლეს არჩილ ტატუნაშვილი, 1 კვირა იყო გასული და ვერ ვჩერდებოდი, ვფიქრობდი სხვა რამე უნდა გვექნა.. ვერ ვჩერდებოდით როცა ვუყურებდით ამ უსუსურობას. მაგრამ ყველა რაღაცას ველოდებოდით.. ჩვენი ჯარისკაცის ცხედარს არ გვაძლევდნენ და ჩვეულებრივ ფსიქოლოგიურ ტერორს ახდენდნენ. ეგეთი უსუსური ალბათ არასდროს ვყოფილვართ, ვერ შევიკავე თავი და დავაანონსეთ აქცია მშვიდობა ომზე მეტია. სადაც ჩვენი სათქმელი იყო რომ, ჩვენ ვირჩევთ მშვიდობას, ისინი ირჩევენ ომს, ჩვენთვის მშვიდობა ომზე მეტია. ხოლო მეორე მესიჯი იყო war is not over! რადგან ომი არ დასრულებულა და ის ახლაც გრძელდება.

სრულ ქაოსში, გაურკვევლობაში ვუყურებთ როგორ ვკარგავთ სახელმწიფოს, ისეთივე უსუსურები როგორიც შარშან ვიყავით, როცა ერთი თვე ვეხვეწებოდით მოკლული ჯარისკაცის სხეულის გადმოცემას. დღეს ჩვენ ვხედავთ, როგორ ვკარგავთ სახელმწიფოს, ვხედავთ ზიზღით გაჟღენთილ საზოგადოებას. ვხედავთ? საერთოდ ვერ ვხედავთ ხელისუფლებას, ვერ ვგრძნობთ რომ პატრონი გვყავს, ვერ ვგრძნობთ თავს დაცულად და ვდგავართ აშკარა პროვოკაციის წინაშე. პროვოკაციის რომელიც აწყობს მხოლოდ ერთადერთ ქვეყანას. ვხედავთ დაჩაგრულ ადამიანებს და ვხედავთ როგორ ექმნება საფრთხე ჩვენს კონსტიტუციას!

ამიტომ, მოგმართავთ ისევ იმ ადამიანებს, ვინც ჩვენი ცხოვრებით ვცხოვრობთ, ვისაც არ გვაინტერესებს პოლიტიკოსები, ორგანიზაციები, მხარეები, არ გვაქვს სხვა ინტერესები, გარდა ერთისა ვიცხოვროთ გამართულ სახელმწიფოში მშვიდობიანად და სიყვარულით. ჩვენ არ უნდა დავუშვათ ეს სიძულვილი და დაპირისპირება, არ უნდა დავუშვათ ზიზღი ერთმანეთისადმი. ამიტომ უკვე ხვალ, ანუ პარასკევს 20:00 საათზე, თავისუფლების მოედანზე ჩვენ მივდივართ თავისუფლების მოედანზე რომ დავსვათ კონკრეტული კითხვები და უარი ვუთხრათ სიძულვილს და ძალადობას. არ დავუშვათ საზოგადოების გახლეჩვა და დაპირისპირება, ამიტომ გთხოვთ რომ შემოგვიერთდეთ, კლასელებს, მეგობრებს, მშობლებს, დედებს, ნათესავებს, ყველა იმ ადამიანს ვისთვისაც ძვირფასია ამ ქვეყანაში ცხოვრება. ჩემს შეყვარებულს, რომელსაც ეხლა ძინავს, მაგრამ ზუსტად იმავეს გრძნობს რასაც მე, იროს რომელიც ხვალ გაიღვიძებს და ალბათ გული გაუსკდება ამას რომ ნახავს.

გვაქვს კონკრეტული კითხვები და მოთხოვნები, რომელსაც ყავს კონკრეტული ადრესატები:

ადრესატები:
1. საქართველოს კათოლიკოს პატრიარქი ილია მეორე
2. საქართველოს წმინდა სინოდი
3. საქართველოს პრემიერ მინისტრი
4. საქართველოს შინაგან საქმეთა მინისტრი
5. ტოშინოშინი, ლაშა ტალახაძე, ზაზა ფაჩულია, მამუკა გორგოძე

მივმართავთ პირადად ილია მეორეს, მხოლოდ თქვენ შეგიძლიათ ამ ყველაფრის შეჩერება, ამიტომ გთხოვთ

1. პირადად მოუწოდეთ მოძალადე ჯგუფებს რომ შეწყვიტონ ჩვენი სარწმუნოების სახელით ძალადობა.
2. პირადად მოუწოდეთ მოძალადე ჯგუფებს რომ ძალადობა ყველაზე მიუღებელია ჩვენი სარწმუნოებისთვის და აუხსენით ეს.
3. მოუწოდეთ ყვველას, რომ საქართველოს აქვს კონსტიტუცია, რომელიც არის ქვეყნად ყოფნის გარანტი და კონსტიტუციის წინააღმდეგ წასვლა უდიდესი დანაშაულია ღმერთის და ერის წინაშე.

კითხვები პრემიერ-მინისტრს:
1. რატომ არ ხდება სიძულვილთან ბრძოლა?
2. რატომ ვართ საზოგადოება მარტო?
3. რა ხდება ქვეყანაში?
4. არის თუ არა ქვეყანაში კონსტიტუცია დაცული?
5. რატომ არაფერს აკეთებს სახელმწიფო საზოგადოების გახლეჩვის თავიდან ასაცილებლად?
6. რატომ არ ელაპარაკებით საკუთარ ხალხს და უშვებთ საზოგადოების დაპირისპირებას?

მიმართვა შინაგან საქმეთა მინისტრს

1. რა ხდება ქვეყანაში?
2. ვართ თუ არა დაცულები?
3. არის თუ არა ქვეყანაში კონსტიტუცია დაცული?

მიმართვა საქართელოს წმინდა სინოდს
1. ყველა იმ მამაოს, რომელიც მხარს უჭერს ძალადობას შეუჩერეთ მღვდელ-მსახურების უფლება
2. გაგვარკვიეთ რა ხდება ეკლესიაში? რატომ ასოცირდებიან საქართველოს სამოციქულო ეკლესიასთან მოძალადე ჯგუფები?

მიმართვა ტოშინოშინს, ლაშა ტალახაძეს, ზაზა ფაჩულიას, მამუკა გორგოძეს,

თქვენ შეგიძლიათ, ჩვენთან ერთად ამ სიგიჟის დასრულება, მხოლოდ თქვენნაირი ადამიანებს შეუძლიათ დღეს საზოგადოებისთის იმის ახსნა, რომ ძალადობა მიუღებელია და რომ ყველამ, პატივი უნდა ვცეთ ჩვენს კონსტიტუციას. 

გთხოვთ ყველას მოიწვიეთ თქვენი მეგობრები, მოდით თქვენს მეგობრებთან, შვილებთან, მშობლებთან, ბებია-ბაბუებთან ერთად, დღესაც ზუსტად ისე გვჭირდება გარეთ გამოსვლა, როგორც შარშან, დღესაც აუცილებელია ჩვენ, ყველა მხარესგან შორს მდგომმა ადამიანებმა დავაფიქსიროთ რომ ეს ქვეყანა ჩვენთვის ძვირფასია!", - ნათქვამია აქციის ანონსი. 

 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ახალი პოლიტიკური პარტია ჯერ საქართველო დაფუძნდა

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს

პატრიოტი დანიელი მხარს უჭერს ბულგარეთის წინააღმდეგობას პატრიოტ კირილისთვის სანქციების დაწესების შესახებ