ოკუპირებული ტერიტორიებიდან დევნილთა, შრომის, ჯანმრთელობის და სოციალური დაცვის ყოფილი მინისტრი დავით სერგეენკო მუშაობას პრემიერ-მინისტრის მრჩევლის პოზიციაზე გააგრძელებს.

ამის შესახებ პრემიერ-მინისტრმა მამუკა ბახტაძემ დღეს გამართულ ბრიფინგზე განაცხადა.

„მე დათოსთან მისივე ინიციატივით, ბოლო რამდენიმე კვირის განმავლობაში მქონდა ინტენსიური კონსულტაციები და ბუნებრივია, ჩემთვის დათოს რეკომენდაციას ჰქონდა ძალიან მნიშვნელოვანი ადგილი, როდესაც ჩვენ ერთობლივად ჩამოვყალიბდით ამ გადაწყვეტილებაზე. დათოს როლი არის კიდევ მნიშვნელოვანი, როგორც ჩემი მრჩევლის, რომ შევძლოთ კიდევ უფრო დიდი ძალისხმევით რეფორმების ეფექტური გატარება და ამავე დროს, ახალი რეფორმების დაგეგმვა, რომელიც საქართველოში ჯანდაცვას და სოციალურ დაცვას გადაიყვანს სრულიად ახალ დონეზე და მიუახლოვებს მას ევროპულ სტანდარტებს. კიდევ ერთხელ მსურს, მადლობა გადავუხადო დავით სერგეენკოს გაწეული სამსახურისთვის და დარწმუნებული ვარ, რომ ის ჩემი მრჩეველის პოსტზე იქნება ისეთივე წარმატბეული, მნიშვნელოვანი საქმეების გამტარებელი, როგორც ეს იყო მინისტრად ყოფნის პერიოდში. დავით სერგეენკო არის და მუდმივად იქნება ჩვენი პოლიტიკური გუნდის ერთგული წევრი და არის საუკეთესო კადრი. მე დარწმუნებული ვარ, ის ერთობლივი საქმიანობა, რომელიც გვექნება ჩვენ მომავალში, უფრო მეტი საქმის გაკეთების საშუალებას მოგვცემს ჩვენი მოქალაქეებისთვის“, -განაცხადა პრემიერ-მინისტრმა.

რაც შეეხება ჯანდაცვის მინისტრის პოსტს, მას ეკატერინე ტიკარაძე დაიკავებს, რომელიც ამ დრომდე საჩხერის საავადმყოფოს ხელმძღვანელობდა.

ავტორი: ექსპრესნიუსი,

სოციალური ქსელები

„როცა უბრალოდ ერთად ვართ“ - „თეგეტაში“ მამის დღე აღნიშნეს

გულია: აფხაზეთს შეუძლია დღეში ათასი უპილოტო საფრენი აპარატით შეუტიოს საქართველოს და 10 დღეში გაიმარჯვოს

„რუმს ჰოტელსისა“ და „აჭარა ჯგუფის“ დამფუძნებელი თემურ უგულავა გარდაიცვალა

რუსეთი შავ ზღვაში თურქულ გემს თავს დაესხა, რასაც მსხვერპლი მოჰყვა