„გლობალ ფაინენსის“ (Global Finance) შეფასება კიდევ ერთხელ ადასტურებს, რომ საქართველოში არის მიმზიდველი საინვესტიციო გარემო, – ამის შესახებ პარლამენტის საფინანსო საბიუჯეტო კომიტეტის თავმჯდომარემ, ირაკლი კოვზანაძემ განაცხადა.

მისი თქმით, დასტურდება, რომ საქართველოს მთავრობის, ეროვნული ბანკის მიერ პარლამენტთან ერთად განხორციელებული რეფორმები სწორია.

„ვფიქრობ, ძალიან მნიშვნელოვანია შეფასება, რომელსაც „გლობალ ფაინენსი“ აქვეყნებს. ეს კიდევ ერთხელ ადასტურებს, რომ საქართველოში არის მიმზიდველი საინვესტიციო გარემო. მთავარია, დასტურდება, რომ რეფორმები, რომლებსაც საქართველოს მთავრობა, ცენტრალური ბანკი საქართველოს პარლამენტთან ერთად ახორციელებს, არის სწორი. ეს დღეს კიდევ ერთხელ დადასტურდა, როდესაც გვქონდა ეროვნული ბანკის ანგარიშის მოსმენა. ამან გამოაჩინა, რომ საფინანსო სექტორში მიმდინარე რეფორმა სწორია. „გლობალ ფაინენსმა“ ეს კიდევ ერთხელ დაადასტურა“, – განაცხადა ირაკლი კოვზანაძემ.

საქართველოს ეკონომიკისა და განვითარების სამინისტროს ინფორმაციით, საერთაშორისო ფინანსურმა გამოცემამ „გლობალ ფაინენს“ (Global Finance) საქართველო, ეკონომიკურ სტაბილურობაზე, მმართველობისა და ბიზნეს რეგულაციების ხარისხის მაჩვენებლებზე დაყრდნობით, ყველაზე დინამიური საინვესტიციო მიმზიდველობის მქონე ქვეყანებს შორის დაასახელა.

(NS)

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია