თქვენ, როგორც შუამავალი რგოლის მოთამაშეს, ვისთან იყავით შუამავალი შრომით კოლექტივსა და სახელწიფოს მიერ დანიშნულ მმართველ შორის თუ გქონდათ რაიმე კომუნიკაცია მესაკუთრეებთან მიმართებით?! - ამ შეკითხვით ენმ-ს წევრმა, რომან გოცირიძემ ეკონომიკის მინისტ, ნათია თურნავას დარგობრივი ეკონომიკისა და ეკონომიკური პოლიტიკის კომიტეტის სხდომაზე მიმართა.

როგორც დეპუტატმა აღნიშნა, „ჯორჯიან მანგანეზის“ დროებითი მმართველი ნიკოლოზ ჩიქოვანი თაღლითია და არსებული პრობლემები ჭიათურაში არ გადაჭრილა.

„ქალბატონო ნათია, თქვენ აქ არაერთხელ ახსენეთ დამსაქმებელი, რომელიც არის ამ კომპანიის მეპატრონე და მთავრობამ გააგდო. ორი წელიწადია ჩამოართვით ქონება, დაინიშნა სახელმწიფო მმართველი და დღეს ჭიათურას, პირადაპირ შეიძლება ითქვას, რომ მმართავენ თაღლითები და მთავრობის მიერ დასმული პირები, რომელიც ორი წელიწადია თქვეფენ, ასე ვთქვათ ნაღებს იღებენ იქიდან, ორი წლის განმავლობაში, ის პრობლემები, რომელიც იყო  დაგროვილი და რის გამოც შევიდა დროებითი დროებითი მმართველობა, არ გადაჭრილა. სად იყო დროებითი მმართველი 2 წლის განმავლობაში?! 300 მილიონიანი ჯარიმა დააკისრეს კომპანიას, რომელიც უფრო მეტია, ვიდრე მისი აქტივების მთლიანი ღირებულება. ეს კი ეკოლოგიური პრობლემებიდან გამომდინარე. გამოყენეთ მეთოდი, გაწიეთ განზე მესაკუთრეები და დასვით საეჭვო პირები, ის ადამიანები, რომელიც „რუსთავი 2“-ის გაკოტრების ინიციატორები იყვნენ და დღეს, დროებითი მმართველი ვინმე ჩიქოვანი „რუსთავი 2“-საც ებრძოდა, ეს არის ხელისუფლების ზონდერი, დანიშნული ჭიათურაში. ახლა კი მთავარი შეკითხვა, თქვენ, როგორც შუამავალი რგოლის მოთამაშეს, ვისთან იყავით შუამავალი შრომით კოლექტივსა და სახელწიფოს მიერ დანიშნულ მმართველ შორის თუ გქონდათ რაიმე კომუნიკაცია მესაკუთრეებთან მიმართებით?!“ - მიმართა გოცირიძემ თურნავას.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია