დებატები იყო იმისთვის, რომ პატივი ვეცით ჩვენს მსმენელსა და ამომრჩეველს, რომ საქართველოში არის პრეცედენტი, როდესაც არჩევნების წინ ორი ოპონენტი ერთმანეთს ედებატება მწვავედ, საგნობრივად, რათა ამომრჩეველმა სწორი არჩევანი გააკეთოს, – ამის შესახებ მთაწმინდის საარჩევნო ოლქში „ქართული ოცნება-დემოკრატიული საქართველოს“ კანდიდატმა, შალვა შავგულიძემ საქართველოს პირველი არხის გადაცემა „საარჩევნო დებატების“ დასრულების შემდეგ განაცხადა.

„დიდი მადლობა საზოგადოებრივ მაუწყებელს, ჩემს ოპონენტს, დიდი მადლობა წამყვანს. რაც მთავარია, ეს ყველაფერი იყო იმისთვის, რომ პატივი ვეცით ჩვენს მსმენელსა და ამომრჩეველს, სრულიად საქართველოს ყველა ბინადარს, ყველა იმ ადამიანს, ვისაც ესმის ქართული ან გადაუთარგმნიან, რომ საქართველოში არის პრეცედენტი, როდესაც არჩევნების წინ ორი ოპონენტი ერთმანეთს ედებატება. ედებატება მწვავედ, საგნობრივად და ეს ყველაფერი იმისათვის, რომ ამომრჩეველმა გააკეთოს სწორი არჩევანი.

წინასწარ მინდა ვუთხრა მადლობა თითოეულ ჩვენ მსმენელს და მაყურებელს, რომ მათი გადაწყვეტილება იქნება არგუმენტირებული, სწორი და მომავალზე გათვლილი. „ქართულ ოცნებას“ აქვს მიზანი აშენოს. ეს რთული პროცესია, მაგრამ მომავალზე გათვლილი. დესტრუქციას უნდა ერთი დღე, დესტრუქციას სჭირდება ერთი სიტყვა, ამიტომ დესტრუქტორის შეყვანა არის დამანგრეველი. კონსტრუქტორი შეიძლება წაეხმაროს და ახლის შენებაში ბევრად გამოადგეს. მინდა წინასწარ ვიწინასწარმეტყველო, რომ 9 ივნისი ჩაივლის მშვიდობიანად, ყველა წესების ჩათვლით და ამომრჩეველი თავის სწორ არგუმენტირებულ და მართლ გადაწყვეტილებას მიიღებს საარჩევნო ურნასთან.

მე უბრალოდ ვთხოვ, სახლში ნუ გაჩერდებით, მოდით თქვენი პოზიციის დასაფიქსირებლად და თქვენ, ჩვენ ერთად გავიმარჯვებთ“,- განაცხადა კახაძემ.

(NS)

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია