2019-05-30 14:47:31, 1357 ნახვა
ეკონომიკა
ტალინიდან ბათუმის მიმართულებით ჩარტერული ფრენები შესრულდება
ესტონური ავიაკომპანია „SmartLynx Airlines" ტალინიდან ბათუმის მიმართულებით ჩარტერულ ფრენებს განახორციელებს. რეისები 27 ივნისს, 4 ივლისს, 11 ივლისსა და 18 ივლისს, Airbus A320-ის ტიპის საჰაერო ხომალდებით შესრულდება და საქართველოში ესტონელი ტურისტების ჩამოყვანაზე იქნება ორიენტირებული.
საქართველოს ეკონომიკისა და მდგრადი განვითარების სამინისტროს სამოქალაქო ავიაციის სააგენტოს მიერ, ჩარტერული საჰაერო მიმოსვლის განხორციელებისათვის აუცილებელი ნებართვა ესტონურ ავიაკომპანიაზე 29 მაისს გაიცა.
(NS)
ავტორი: ექსპრესნიუსი,
epn.ge (@expressnews.ge)
