„თამაში ხომ არაა, გასცე ნებართვა და საზოგადოება რომ აღშფოთდება მერე წაართვა, - ასე გამოეხმაურა „ევროპული საქართველოს“ წევრი, ზურაბ ჭიაბერაშვილი  ეკონომიკის მინისტრის მიერ, ფოთის პორტის მშენებლობის ნებართვის გაუქმებას.

მისი შეფასებით, აღმაშფოთებელია მთავრობის მოქმედება ანაკლიის პორტთან დაკავშირებით.

„აღმაშფოთებელია საერთოდ, როგორ იქცევა მთავრობა და მისი თითოეული წარმომადგენელი საქართველოსთვის ასეთ მნიშვნელოვან საკითხებთან დაკავშირებით. თამაში ხომ არ არის გასცე ნებართვა, მერე საზოგადოება რომ აღშფოთდება მერე წაართვა, ამ დროს მთელ საერთშორისო საზოგადოებას აჩვენო, რომ საქართველოს მთავრობამ და საქართველომ არ იცის რა უნდა, რა არის მისთვის პრიორიტეტი. ის, რომ თურნავამ დღეს გააუქმა ფოთის პორტზე გაცემული ნებართვა, ეს არ არბილებს მდგომარეობას, პირიქით კიდევ უფრო აუარესებს და ყველას ეუბნება მთელს მსოფლიოსი რომ ამ ხალხმა ქვეყნის მართვა არ იცის“, - განაცხადა ჭიაბერაშვილმა.

შეგასხენებთ, რომ ეკონომიკისა და მდგრადი განვითარების მინისტრის ნათია თურნავას განცხადებით, ფოთში ახალი ღრმაწყლოვანი ნავსადგურის მშენებლობის ნებართვის დოკუმენტი გაუქმებულია. როგორც ნათია თურნავამ განაცხადა, ასევე თანამდებობიდან გადაყენებულია მშენებლობის და ტექნიკური ზედამხედველობის სააგენტოს ხელმძღვანელი, რომელმაც აღნიშნული ნებართვა გასცა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია