2019-05-19 09:58:39, 1030 ნახვა
პოლიტიკა
მოქალაქე, რომელიც ჯიხაშკარში საარჩევნო უბანთან სიებით დგას, ამბობს, რომ დისერტაციას იცავს
ზუგდიდის მუნიციპალიტეტის სოფელ ჯიხაშკარში, #76-ე საარჩევნო უბანთან მოქალაქე დგას, რომელსაც გარკვეული დოკუმენტაცია და სიები აქვს.
როგორც თავად ამბობს ის გიორგი კალანდიაა. ჟურნალისტების კითხვას, თუ რას აკეთებს საარჩევნო უბანთან, მოქალაქე პასუხობს, რომ "თავის საქმეს" და დასძინს, რომ დისერტაციას იცავს.
"მე ჩემს ხალხს ვაკონტროლებ, ვინც მოდის. ამომრჩეველია ჩემი ხალხი. ჩემ საქმეს ვაკეთებ, დისერტაციას ვიცავ. რაღაცებს ვინიშნავ ჩემთვის, ვინ მოვიდა ამ დროისთვის. 8 თუ 10 კაცია ჯერ მოსული", - აცხადებს მოქალაქე.
ამასთან, მისივე მტკიცებით, ის არც ერთ პარტიას არ წარმოადგენს. მოქალაქე ამბობს, რომ ყველა უბანს აკონტროლებს, რადგან აინტერესებს რამდენი ადამიანი მივა არჩევნებზე.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
