ზუგდიდის 67-ე საოლქო საარჩევნო კომისიის თავმჯდომარე მირანდა მესხი „პირველთან“ საუბარში ამბობს, რომ მას კანონი არ დაურღვევია.

კომისიის თავმჯდომარე განმარტავს, რომ ოლქი მრავალრიცხოვანია და ეტაპობრივად გაიცემა გარკვეული ტიპის დოკუმენტაცია და ინვენტარი.

„ჩვენი ოლქი არის მრავალრიცხოვანი 107 უბნიანი და შესაბამისად ეტაპობრივად გავცემთ გარკვეული ტიპის დოკუმენტაციას და ინვენტარს. კონკრეტულად დღეს იყო გადაცემული ამომრჩეველთა ერთიანი სიები, კედლის გასაკრავი ვერსია, ამომრჩევლის ბარათები მეორე ეტაპზე დასარიგებლად. 18 წელს მიღწეული ახალგაზრდებისთვის ასევე ფლაერები და ცესკოს თავმჯდომარის მომართვა მათი ჩართულობის აქტიური მონაწილეობისთვის არჩევნებში.

გადავეცით ასევე დოკუმენტი თუ ინვენტარი, კაბინები ყუთები, ძირითადი, ქსეროქსის აპარატები, კატრიჯი და ასევე რეგისტრატორის და უბნის ბეჭდები დალუქულ მდგომარეობაში. ამას ყოველთვის ასე ვაკეთებთ, ასეთი პრაქტიკა გვაქვს,  რომ რამდენიმე დღით ადრე ეტაპობრივად ვაწვდით გარკვეული ტიპის დოკუმენტაციას და ინვენტარს.

კანონი არ დამირღვევია, შესაბამისად კედლის გასაკრავ სიებთან ერთად  გარკვეულ უბნებს  გადაეცა ამომრჩეველთა ერთიანი სიები სამაგიდე ვერსიები.

შესაბამისად წარმომადგენლებთან, დამკვირვებლებთან ოლქის წევრებთან შეთანხმებით გადაწყდა, რომ იმ უბნებისთვის, რომლებისთვისაც იყო გადაცემული უკან მოებრუნებინათ ეს სიები.  სიები მობრუნდა,  ყველა გვერდს ითვლიან ამ ეტაპზე, დათვლილი იქნება და ჩაიდება სპეციალურ პოლიეთილენის პარკში,  არაუგვიანეს 12 საათისა გაიცემა ბიულეტენის ბლოკნოტებთან სპეციალურ კონვერტებთან ინდივიდუალური ნომრის მქონე  სამართლებრივ აქტებთან ერთად.

არაუგვიანეს 12 საათისა კანონმდებლობა მე მავალდებულებს გავცე ბიულეტენები, კონვერტები და ინდივიდუალური ნომრის მქონე სამართლებრივი აქტები შემაჯამებელი ოქმების სახით.

რაც შეეხება სხვა დანარჩენს, არ მავალდებულებს რომ იმ დღეს 12 საათით ადრე გავცე. ამას ეტაპობრივად გავცემ. შეთანხმების საფუძველზე დავაბრუნეთ ეს სამაგიდე სიები. დანარჩენი არაფერი კანონდარღვევა მე არ ჩამიდენია“,- განაცხადა მირანდა მესხმა.

ავტორი: ექსპრესნიუსი,

სოციალური ქსელები

უკრაინის სამივე ყოფილმა პრეზიდენტმა კუჩმამ, იუშენკომ და პარაშენკომ პოლონეთის უმაღლეს ჯილდოზე უარი თქვეს

„ჩემი პოპულარობა შენი საქმე არ არის“: მელონიმ ტრამპის ბოლო თავდასხმებს უპასუხა

Bloomberg: დიდი ბრიტანეთი დაბალფასიან, შორი მოქმედების იარაღს ავითარებს, რომლის გამოყენებაც უკრაინაში შეიძლება

ტრამპმა კვლავ გააკრიტიკა იტალიის პრემიერ-მინისტრი