2019-05-09 14:08:03, 1819 ნახვა
სამართალი
მალხაზ მაჩალიკაშვილი სუს-ში დაკითხვაზე მისვლას ხვალ აპირებს
პანკისის სპეცოპერაციის დროს მოკლული თემირლან მაჩალიკაშვილის მამა მალხაზ მაჩალიკაშვილი სახელმწიფო უსაფრთხოების სამსახურში დაკითხვაზე დღეს 15:00-ზეა დაბარებული.
მაჩალიკაშვილის დაკითვის უწყება სუს-ის წარმომადგენლებმა წარუდგინეს, თუმცა მან დოკუმენტს ხელი არ მოაწერა და განმარტა, რომ კონსულტაციები ადვოკატებთან უნდა გაიაროს. მანვე დასძინა, რომ უწყებაში გამოკითხვაზე ხვალ მივა.
"იმ ადამიანებს როცა ვესაუბრებოდი ადამიანურ ენაზე, მათ ადამიანური ენა საერთოდ არ ესმის. აქედან გამომდინარე მე დავუკავშირდი ჩემს იურისტებს, ისინი მეუბნებიან რომ არანაირი პრობლემა არ არის, ჩვენ ვართ შეთანხმებული სუს-თან რომ შენი დაკითხვა მოხდება პარასკევს 15:00 საათზეო", - განაცხადა მალხაზ მაჩალიკაშვილმა.
ავტორი: ექსპრესნიუსი,
epn.ge (@expressnews.ge)
