არეა ექსპო 2019-ის პროგრამა ცნობილია - უძრავი ქონების ყველაზე მასშტაბურ გამოფენაზე გარდა დეველოპერი კომპანიებისა, სხვადასხვა საერთაშორისო და ადგილობრივი ორგანიზაციები მიიღებენ მონაწილეობას. 

გამოფენა 4 მაისს, 12 საათზე გაიხსნება და მასში ეკონომიკისა და მდგრადი განვითარების სამინისტრო, უძრავი ქონების მართვის სააგენტო, აწარმოე საქართველოში, საპარტნიორო ფონდი და არქიტექტურისა და დიზაინის სფეროს წარმომადგენლები მიიღებენ მონაწილეობას.

ღონისძიების პირველი დღე დაეთმობა საინვესტიციო, ბიზნესისა და ტურიზმის სფეროს და  განიხილება ისეთი თემები, როგორიცაა: საინვესტიციო პოტენციალი უძრავი ქონების სფეროში,  ინვესტიციები წყალტუბოს გამაჯანსაღებელ  კურორტზე, დაფინანსების წყაროები სასტუმრო ბიზნესისთვის, არქიტექტურული თავისებურებები და შეზღუდვები ძველ თბილისში მშენებლობებზე, ორგანიზაციის მართვის ეფექტიანობა და მენეჯმენტის დიჯიტალიზაცია დეველოპერებში და სხვა საინტერესო თემები. 

ღონისძიების მეორე დღე კი marketer.ge-ს მიერ ორგანიზებულ talk-სერიებს უმასპინძლებს. სერიების თემატიკა ბინის დაგეგმარებას და ინტერიერს ეხება: როგორ დავაგეგმაროთ ბინა სწორად, ინტერიერის დიზაინი, როგორ მოვაწესრიგოთ აკუსტიკა ბინაში, როგორ გავაქირავოთ ბინა airbnb-ს დახმარებით და მსგავსი თემები დაეხმარება ბინის ყიდვის ნებისმიერ მსურველს, მაქსიმალურად სწორად აითვისოს და დააგეგმაროს საცხოვრებელი თუ გასაქირავებელი ფართი. 

გამოფენა თავს მოუყრის საქართველოში ყველა წამყვან დეველოპერ კომპანიას ერთ სივრცეში და მისცემს საშუალებას მომხმარებელს, იმ ათეულობით მშენებარე პროექტიდან შეარჩიოს მისთვის სასურველი და მოსახერხებელი ბინა ან კომერციული ფართი, აგრეთვე, ბიზნესითა და ტურიზმით დაინტერესებულ პირებს შესაძლებლობა ექნებათ, დაესწრონ საინტერესო პრეზენტაციებს ამ სფეროში და უშუალოდ შეხვდნენ და გაესაუბრონ ინვესტორებსა და სხვადასხვა ფონდების წარმომადგენლებს.
ღონისძიების ორგანიზატორი არეა ჯგუფია, რომელიც უძრავი ქონების ბაზარზე შუალედური რგოლია დეველოპერ კომპანიასა და მომხმარებელს შორის; უწევს დეველოპერ კომპანიებს სხვადასხვა მომსახურებას - დაწყებული ბაზრის კვლევითა და კომპანიის ბრენდის შექმნით დამთავრებული გაყიდვების მართვით და რეპორტინგით.
ღონისძიების მთავარი პარტნიორია სახელმწიფო ქონების ეროვნული სააგენტო, რომელიც გამოფენაზე წარმოადგენს სახელწმიფო ქონების განმკარგავ უწყებას. მათი მონაწილეობის მიზანი სწორედ სახელმწიფო საკუთრებაში მყოფი წლების განმავლობაში ამორტიზირებული პასიური უძრავი ქონების კერძო სექტორში გადატანაა, რითაც ქვეყანაში ბიზნესის განვითარებას უწყობენ ხელს. 

წლევანდელი ექსპო 2019 როგორც მომხმარებლისთვის ისე - დეველოპერისთვის გამორჩეული და სასარგებლო იქნება. სემინარები, marketer.ge-ს მიერ ორგანიზებული talk-სერიები და ის მნიშვნელოვანი თემები, რომელიც ბინის შეძენის ნებისმიერ მსურველს და დეველოპერ კომპანიას აღელვებს და დღესდღეობით აქტუალურია: საინვესტიციო გარემო საქართველოში უძრავი ქონების მიმართულებით, საბანკო რეგულაციები, განაშენიანების ახალი გეგმა და ცვლილებები დეველოპერულ ბაზარზე და ა.შ. - სწორედ ეს მოხვდება არეა ექსპო 2019-ის ფოკუსში 2 დღის განმავლობაში.

(NS)

ავტორი: ექსპრესნიუსი,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა