„ნაციონალური მოძრაობის“ ერთ-ერთმა ლიდერმა ნიკა მელიამ პარლამენტის პლენარულ სხდომაზე შინაგან საქმეთა მინისტრ გიორგი გახარიას „უნამუსო“ უწოდა.

დეპუტატმა მინისტრის მიმართ სხვადასხვა ბრალდებები გააჟღერა და აღნიშნა, რომ ის პოლიციის დისკრედიტაციას უწყობს ხელს.

„თქვენ ბრძანეთ ძალიან უცნაური რამ, რომ თითქოს ოპოზიცია პოლიციის დისკრედიტაციის კამპანიას აწარმოებს. არადა მე გეტყვით საპირისპიროს, თუ ვინმე დისკრედიტაციას უწყობს ხელს პოლიციისას, ბრძანდებით პირადად თქვენ, ადამიანი, რომელიც უშუალოდ თანამშრომლობთ კრიმინალებთან და ეს ყველაფერი დადასტურდა ზუგდიდშიც კი. მხოლოდ ერთი ადამიანის სახელი და გვარი - ხვიჩა ცხაკაიაც საკამრისია, რომელიც თქვენ თავი გამოისულელეთ და თქვით რომ არ გსმენიათ, არადა პირადად ხართ ამ ადამიანს შეხვედრილი. თქვენ ხართ იმ უწყების ხელმძღვანელი, რომელიც „რემენას“ აეროპორტში ხვდება, რომელიც „ლავასოღლის“ ათავისუფლებს, იმ გუნდის ერთ-ერთი თვალსაჩინო ლიდერი, რომლის რიგებშიც გახლავთ ბატონი კალაძე, თქვენი მეორე ლიდერი, რომელთანაც ურთიერთობა არ გაქვთ ტკბილი, მაგრამ ეს თქვენი პრობლემაა, რომელიც ამაყობს 8 სული ქურდით. ამ ყველაფრის გათვალისწინებით, როგორ ბედავთ საერთოდ ლაპარაკს იმასთან დაკავშირებით, რომ ვინმე სხვა ახდენს პოლიციის დისკრედიტაციას. უნამუსო ადამიანის გარდა, ამას ვერავინ ვერ იკადრებდა, მაგრამ თქვენ ხართ ასეთი ადამიანი და მრავალჯერ დაგიმტკიცებთ ამას“, - მიმართა მელიამ შს მინისტრს.

დეპუტატის ამ განცხადებას დარბაზში ხმაური მოჰყვა. საპარლამენტო უმრავლესობის წევრებმა მელიას კორექტულობისკენ მოუწოდეს.

საპასუხოდ, მელიამ მინისტრს „უნამუსო“ კიდევ ერთხელ უწოდა: „ადგილობრივ ავტორიტეტ ხვიჩა ცხაკაიას რო ელეპარაკება, მერე რომ გამოვა და ვითომ არ იცნობს, უნამუსოა ის ადამიანი, ასევე ის ვინც ხელებს იბანს ია კერზაიას მკვლელობაზე, უნამუსოა ის ადამიანი ვინც სპეცრაზმს შეიყვანეს პანკისში“.

ამის შემდეგ პარლამენტის თავმჯდომარე ირაკლი კობახიძემ დეპუტატებს სიმშვიდისკენ, ნიკა მელიას კი, პვოროკაციის მოწყობისგან თავშეკავებისკენ მოუწოდა.

დარბაზში დაპირისპირება რამდენიმე წუთის განმავლობაში გაგრძელდა.

ავტორი: ექსპრესნიუსი,

სოციალური ქსელები

„ფორმულას" განცხადებით, დავალიანების გამო არხის ღია სიგნალით მაუწყებლობა შეწყდა

მედვედევმა ფაშინიანს და ზელენსკის „ორი უტვინო რუსოფობი“ უწოდა

ზელენსკიმ 5-6 მაისის ღამეს ცეცხლის შეწყვეტა გამოაცხადა

ჩერნობილის კატასტროფის სამაშველო სამუშაოების ხელმძღვანელმა და РХБЗ სამხედრო ძალების უფროსმა- გენერალმა თავი მოიკლა