ზუგდიდის რაიონულ სასამართლოში წვრილმანი ხულიგნობისა და პოლიციისადმი დაუმორჩილებლობის ბრალდებით დაკავებული „ნაციონალური მოძრაობის“ წევრის, მანუჩარ ჩხეტიას სასამართლო პროცესი მიმდინარეობს.

მანუჩარ ჩხეტია თავს დამნაშავედ არ ცნობს.

„არავითარ შემთხვევაში თავს არ ვცნობ დამნაშავედ. ეს იყო პოლიტიკური პროვოკაცია დაგეგმილი ზუგდიდის რაიონული სამმართველოს უფროსის ირაკლი ფაცაციას მიერ. მოსამართლე მიიღებს ობიექტურ გადაწყვეტილებას და გამათავისუფლებს. იმიტომ რომ არანაირი ბრალი არ მიმიძღვის. არ არსებობს  ბუნებაში ვიდეო კადრები, რომ მე მას სიტყვიერი ან რაიმე შეურაცხყოფა მივაყენე. ეს არის ტყუილი. ჩვენ თანამებრძოლებს აშინებდა ირაკლი ფაცაცია. მე დამინახა და როგორც კი მე დამინახა, ეგრევე მე დამავლო ხელი და წამიყვანა“, - აღნიშნა მანუჩარ ჩხეტიამ.

შეგახსენებთ, რომ გუშინ ზუგდიდში  „ნაციონალური მოძრაობის“ პრესსამსახურის უფროსი გიორგი პატარაია, პარტიის წევრები ანი წითლიძე და მანუჩარ ჩხეტია დააკავეს. მოგვიანებით, გიორგი პატარაია და ანი წითლიძე გაათავისუფლეს. მანუჩარ ჩხეტია ამ დრომდე დაკავებულია.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კობახიძე - ყველა პარამეტრით ვუსწრებთ უკრაინას და მოლდოვას

ზურაბიშვილი ქართველი მებრძოლების ჩამოსვენებაზე - საპატიო ყარაული არ არის, დიდი სირცხვილია

უკრაინაში დაღუპული ბაჩო ბებია და დავით ღოღაძე სამშობლოში ჩამოასვენეს

პროკურატურა ამტკიცებს რომ ღობის საქმის პროკურორზე მამის ბიზნესების გამო, თავდასხმა ხორციელდება