„მოსამართლე დავით ჟუღელზე ალბათ ზეწოლა, რომ ვერ განხორციელდა, ამის ყველაზე დიდი დასტურია ის, რომ მან გირაოს შეთავაზება არ გაითვალისწინა და ციხეში მყოფი ხალხი გარეთ თავდებობით გამოუშვა“,- ამის შესახებ იუსტიციის მინისტრმა თეა  წულუკიანმა გავრცელებული ინფორმაციის კომენტირებისას აღნიშნა, რომლის თანახმადაც მოსამართლე დავით  ჯუღელზე ზეწოლა განხორციელდა და მან ამერიკისა და იტალიის სელჩოებს პოლიტიკური თავშესაფრის თხოვნით მიმართა. 
წულუკიანის თქმით, თუ მტკიცებულება იქნება, ვის შეიძლებოდა ჯუღელზე ზეწოლა  განეხორციელებინა, ამაზე გამოძიება აუცილებლად დაიწყება. 
„როცა ინფორმაცია გავრცელდა, რომ თითქოს, მოსამართლე დავით ჯუღელზე არის ზეწოლა, ამ ინფორმაციის გავრცელების ავტორები  სხვადასხვა იყვნენ, ზოგი ხილული, ზოგი არასაჯარო განცხადებით.  ჩემთვის  ეს ინფორმაცია შემაშფოთებელი იყო, ხელისუფლების შიგნით თუ გარეთ, ინფორმაციის წყაროებთან  ვისაც რა უფლებამოსილება ჰქონდა, შევეცადეთ მაქსიმალურად სერიოზულად მოვკიდებოდით ამ საქმეს. ის, რომ მოსამართლე ჯუღელზე ალბათ ზეწოლა ვერ განხორციელდა, ამის ყველა უზენაესი დასტურია ის, რომ ჯუღელმა გაათავისუფლა ის ხალხი, რომელიც იყო ციხეში, არც გირაოს შეთავაზება გაითვალისწინა და ციხიდან თავდებობით გამოუშვა. ეს მოწმობს იმას, რომ მოსამართლე ჯუღელზე ზეწოლის განხორციელება თუ ვინმეს სურდა, არ გამოუვიდათ. რამდენადაც ცნობილია,პროკურატურამ შესაბამისი ინფორმაცია წყაროსთან ითხოვა და ითხოვს მტკიცებულებას, ამ მტკიცებულებას საჯაროდ ვითხოვ მეც, იმისათვის, რომ ყველანი, მე, ძალოვანი სტუქტურები, ვიდგეთ მოსამართლის ზეწოლისგან დაცვის სადარაჯოზე. თუკი იქნება მცირედი მტკიცებულება, ვინც შეეცადა განეხორციელებინა ზეწოლა ჯუღელზე, რომელიც უშედეგოდ დასრულდა, როგორც ჩანს, იქ დაიწყება გამოძიება“, - აღნიშნა წულუკიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს