ამერიკის შეერთებული შტატების სახელმწიფო მდივნის მაიკ პომპეოს ინფორმაციით, თეთრი სახლი და ნატო რუსეთის წინააღმდეგ ახალ სანქციებს დააწესებს, - ამის შესახებ BBC იუწყება. 

როგორც პომპეომ განმარტა, ერთობლივი სანქციები მომავალ კვირაში ამოქმედდება და ისინი უკრაინაში კრემლის აქტივობას უკავშირდება.

"იმედი მაქვს, რომ მომავალ კვირას შემეძლება გამოვაცხადო ახალი სანქციების შესახებ. ვაშინგტონში 3-4 აპრილს იგეგმება ალიანსის წევრი ქვეყნების საგარეო მინისტრების შეხვედრა და ალბათ შესაბამის განცხადებას სწორედ ამ სამიტის ფარგლებში გავაკეთებ", - განაცხადა მაიკ პომპეომ, თუმცა არ განმარტა უშუალოდ რა სახის სანქციებზეა საუბარი. 

სახელმწიფო მდივანმა აღნიშნა, რომ რუსეთმა უკრაინაში, აზოვის ზღვასა და მთლიანად რეგიონში მიმდინარე პროცესებზე პასუხი უნდა აგოს. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო