თბილისის მერის მოადგილე ილია ელოშვილმა მუსლიმ თანამოქალაქეებს ნოვრუზ ბაირამის დღესასწაული მიულოცა და აბანოთუბანში გამართულ საზეიმო ღონისძიებას დაესწრო. 

როგორც მერის მოადგილემ აღნიშნა, ნოვრუზ ბაირამი განახლების, იმედის დღესასწაულია და ამ სიხარულს საქართველოს თითოეული მოქალაქე მუსლიმ ძმებთან ერთად იზიარებს. 

„მინდა, მოგილოცოთ დღევანდელი დღე. ჩვენი მხრიდან ამ დღესასწაულს მუდმივად ექნება მხარდაჭერა, რამდენიმე მიზეზის გამო: პირველი ესაა ის, რომ ნოვრუზ ბაირამი არის განახლების, ახალი საწყისის, იმედების და ყველაფერი საუკეთესოს დღესასწაული, ის, რაც არ არის მხოლოდ აზერბაიჯანელი ხალხის, ესაა ზოგადსაკაცობრიო დღესასწაული. თითოეული ჩვენგანი, ჩვენს აზერბაიჯანელ და მუსლიმ ძმებთან ერთად, მთელი გულით ვიზიარებთ ამ თქვენს სიხარულს და ის ცეცხლი, რომელიც თქვენში ანთია, ჩვენც გადმოგვეცემა; მეორე, რაც მნიშვნელოვანია,  საქართველოს კულტურა წარმოუდგენელია აზერბაიჯანული კულტურის გარეშე და ეს განსაკუთრებით ეხება თბილისს, რადგან მრავალი საუკუნის განმავლობაში ქართველები და აზერბაიჯანელები, სხვა ხალხებთან ერთად, იცავდნენ, აშენებდნენ, ავითარებდნენ ამ ქალაქს. ვაპირებთ, რომ ეს დიდი ტრადიცია, რომელიც ჩვენი წინაპრებისგან გადმოგვეცა, ასევე გავაგრძელოთ; და მესამე, ძალიან მნიშვნელოვანია, რომ ჩვენ მუდმივად გვაქვს მხარდაჭერა აზერბაიჯანისგან, მუდამ ვგრძნობთ მათ გვერდით დგომას, განსაკუთრებით გაჭირვების პერიოდში. ეს არის უდიდესი მეგობრობა და საწინადარი იმისა, რომ ორივე ქვეყანა ვითარდება ძალიან სწრაფად და მყარად. ძალიან სიმბოლურია, რომ დღეს ნოვრუზ ბაირამს ვზეიმობთ ჰეიდარ ალიევის, ამ დიდი მოღვაწის სკვერში. ამ ადამიანს ძალიან დიდი წვლილი მიუძღვის ძალიან ბევრ სიკეთეში, რაც დღეს საქართველოში ხდება“, - განაცხადა ილია ელოშვილმა.  

ნოვრუზ ბაირამი გაზაფხულის შემოსვლის, ზოგიერთ ქვეყანაში კი, ახალი წლის დღესასწაულია. მუსლიმები 21 მარტს დღისა და ღამის გათანასწორების, დედამიწის გამოცოცხლებისა და სიცოცხლის დაწყების დღედ მიიჩნევენ. ტრადიციის მიხედვით, ამ დღეს ყველა ოჯახში მწვანე ჯეჯილი უნდა იყოს. ასევე, იღებება კვერცხები და ცხვება ტკბილეული.

ნოვრუზ ბაირამი საქართველოში საერთო სახალხო დღესასწაულის სახით 2010 წლიდან აღინიშნება.

ღონისძიებას თბილისის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის უფროსი ირაკლი გვილავა, კრწანისის რაიონის გამგებელი ლევან ჯაფარიძე და რაიონის მაჟორიტარი დეპუტატი საქართველოს პარლამენტში ბექა ოდიშარია დაესწრნენ. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ ვენესუელას მიწისძვრის შედეგად დაზარალებულთა დასახმარებლად 150 მილიონ დოლარს გამოყოფს

აშშ ამტკიცებს, რომ ჰორმუზის სრუტეში სამოქალაქო კომერციულ გემს ირანულმა დრონმა დაარტყა

დრონებმა რუსეთის ტულის რეგიონში მდებარე „აზოტის“ ქიმიურ ქარხანას შეუტიეს

Intelligence Online: თურქული კომპანიების ქსელი რუსეთის „ჩრდილოვანი ფლოტის“ ცენტრი ხდება