2019-03-21 10:20:03, 1214 ნახვა
საზოგადოება
სამგორში მატარებელს ტექნიკური პრობლემები შეექმნა - მეტრო შეფერხებით მუშაობდა
თბილისის მეტროპოლიტენი შეფერხებით მუშაობდა.
"ექსპრესნიუსის" კორეაპონდენტის ინფორმაციით, მგზავრებს მეტროში არ უშვებდნენ.
როგორც "ექსპრესნიუსს" მეტროპოლიტენის პრესსამსახურში განუცხადეს, მეტროს პირველ ხაზზე მოძრავ მატარებელს ტექნიკური პრობლემები შეექმნა.
"პირველ ხაზზე, კერძოდ კი, სამგორში ერთ-ერთ მატარებელს ტექნიკური პრობლემები შეექმნა. მატარებლიდან მგზავრების გამოყვანა მოხდა, რათა სხვა შემადგენლობას გადაეყვანა ის დეპოში. მომხდარის გამო მეტროპოლიტენის პირველი ხაზი დაახლოებით 10-15 წუთის განმავლობაში შეფერხებით მუშაობდა. ამ ეტაპზე პრობლემა აღმოფხვრილია და მეტრო ჩვეულ რეჟიმში აგრძელებს მუშაობას. რაც შეეხება მეორე ხაზს [საბურთალოს] მას შეფერხება არ შეხებია",- განაცხადეს საზოგადოებასთან ურთიერთობის სამსახურში.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
