თბილისის მერი კახა კალაძე ეროვნულ ბიბლიოთეკაში მთავრობის მიერ ახალი ინიციატივის პრეზენტაციას დაესწრო. 

კახალაძემ დამსწრე საზოგადოებას სიტყვით მიმართა:

"დღეს, საზოგადოებისთვის უმნიშვნელოვანესი ინიციატივა და ამბიციური გეგმა გახდა ცნობილი, რომლის მიხედვითაც, სახელმწიფო  უპრეცედენტო ვალდებულებას აიღებს და ყოველწლიურად მთლიანი შიდა პროდუქტის 6 პროცენტს, დღეს არსებული ბიუჯეტის მეოთხედს, განათლების სფეროს სწრაფი განვითარებისთვის წარმართავს. დარწმუნებული ვარ, ჩვენი ხელისუფლების მიერ წარმოდგენილი ინიციატივა, ახალ  ეროვნულ იდეად იქცევა, რომელიც მთელ საზოგადოებას გააერთიანებს და ჩვენი ქვეყნის თავისუფალი მომავლის ფუნდამენტად იქცევა.

ეს გზა სწორედ უმაღლესი ხარისხის განათლებაზე გადის და გრძელვადიან პერსპექტივაში ოკუპაციისგან, სიღარიბისგან, უმუშევრობისგან თუ სხვა გამოწვევებისგან ჩვენი ქვეყნის, მომავალი თაობების თავისუფლებას უზრუნველყოფს.  განათლებით სიღარიბის დაძლევის ეროვნული გეგმა არის ის აუცილებელი პირობა, რომელიც მოქალაქეების დასაქმებას, მათი კვალიფიკაციის ამაღლებასა და ღირსეული ანაზღაურების, ღირსეული ცხოვრების პირობების შექმნას უზრუნველყოფს სამომავლოდ.

პირადად ჩემთვის უცხო არ არის ის გრძნობა, როდესაც დასახული მიზნის მისაღწევად, პროფესიული გამოცდილების თუ შესაბამისი განათლების მისაღებად ქვეყნის გარეთ გიწევს წასვლა, იქ წარმატების მიღწევა და ამ წარმატების საკუთარ სამშობლოში ჩამოტანა. ჩვენი მიზანია, შევქმნათ ისეთი პირობები, რომ ხარისხიანი განათლების მისაღებად უცხოეთში წასვლა აუცილებელი არ იყოს და ამას ჩვენს სამშობლოში მიღებული განათლებით ვახერხებდეთ. 

ყველას გვსურს, რომ ჩვენი შვილები აქ, საქართველოში იღებდნენ იგივე დონის ცოდნას, რასაც ევროპის თუ მსოფლიოს საუკეთესო უნივერსიტეტებსა თუ სკოლებში მიიღებდნენ. დარწმუნებული ვარ, რომ ამ სურვილს, გაჟღერებული ინიციატივის მეშვეობით, ერთიანი ძალისხმევით,  რეალობად ვაქცევთ.
განათლება ადამიანის ფუნდამენტური უფლებაა და არა პრივილეგია. სამწუხაროდ, წლების განმავლობაში, განათლებაზე ხელმისაწვდომობა შეზღუდული იყო, როგორც ბიუროკრატიული ბარიერების, ისე ფინანსური კუთხით. ახალგაზრდებს და ხშირად მათ ოჯახებს ვალების აღება უწევდათ, რათა ხარისხიანი განათლება და შესაბამისად, ღირსეული ცხოვრების პერსპექტივა მიეღოთ.
მინდა, ასევე, ჩემი პატივისცემა დავაფიქსირო იმ ადამიანების მიმართ, ვინც თაობები აღზარდეს და ეს იმ ფონზე, როდესაც მათი სამუშაო პირობები თუ ანაზღაურება, რბილად რომ ვთქვათ, რეალურ საჭიროებებს აცდენილი იყო. ჩვენი საამაყო პედაგოგები მეტ მხარდაჭერას, ყურადღებას იმსახურებენ და დარწმუნებული ვართ, განათლების რეფორმის ფარგლებში დაგეგმილი ნაბიჯები პედაგოგის პროფესიას ერთ-ერთ ყველაზე მაღალანაზღაურებადს და მიმზიდველს გახდის.მე, როგორც ქალაქის მერი სრულ მხარდაჭერას ვუცხადებ აღნიშნულ ინიციატივას და, ჩვენი მხრივ, ყველაფერს გავაკეთებთ, რათა განათლებაზე ხელმისაწვდომობა თბილისის ყველა რაიონში და ყველა თაობისთვის გაიზარდოს. ჩვენ ყველა უბანში ხარისხიანი საგანმანათლებლო დაწესებულებების შექმნას შევუწყობთ ხელს. 2012 წლის შემდეგ, ჩვენი ხელისუფლების პირობებში ბაღები უფასო გახდა და ხელმისაწვდომობა მნიშვნელოვნად გაიზარდა, ყოველწლიურად იზრდება ბაღში შემსვლელი ბავშვების რაოდენობა. შესაბამისად, ჩვენ ვდგავართ ახალი გამოწვევების წინაშე. საჭიროა  დამატებითი ინფრასტრუქტურა იმისთვის, რომ უზრუნველვყოთ ჩვენი პატარების სრულფასოვანი აღზრდა და მივცეთ შესაძლებლობა, შესაბამის პირობებში მიიღონ განათლება. ჩვენ ამას გავაკეთებთ და დაგეგმილი გვაქვს მომდევნო წლების განმავლობაში რამდენიმე ათეული ახალი საბავშვო ბაღის მშენებლობა.  სწორედ ამ ასაკიდან იწყება განათლების მიღება და საზოგადოების სრულფასოვან წევრად ჩამოყალიბება, რასაც შემდგომი ეტაპები მოყვება. განათლების აბსოლუტურ პრიორიტეტად გამოცხადება, რეფორმით გათვალისწინებულ ხუთივე დონეს უდიდეს პროგრესს მოუტანს. კიდევ ერთხელ გილოცავთ ამ უმნიშვნელოვანეს ინიციატივას და დარწმუნებული ვარ, მთავრობის ინიციატივით, ფინეთთან, ნორვეგიასთან და სინგაპურთან ერთად, საქართველო  მსოფლიოს მეოთხე ქვეყანა გახდება, რომლის უმთავრესი პრიორიტეტი განათლებაა. მინდა, წარმატებები გისურვოთ და ვუსურვო ჩვენს ქვეყანას", - განაცხადა კალაძემ.

(NS)

ავტორი: ,

სოციალური ქსელები

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა