თბილისი მერი, კახა კალაძე "თიბისი ბანკის" დამფუძნებლის, მამუკა ხაზარაძის მიერ პროკურატურისთვის გადაცემულ წერილს გამოეხმაურა, რომელიც ხაზარაძის განცხადებით, შს მინისტრისგან მიიღო.

როგორ კახა კალაძემ აღნიშნა, წერილი არასერიოზულია და საქმის სამართლებრივი ჭრილიდან პოლიტიკურ ჭრილში გადაყვანა ხდება.

"მე რასაც ვხედავ და ვუყურებ გარედან არის მაქსიმალური მცდელობა, რომ ეს კონკრეტული საქმე სამართლებრივი ჭრილიდან გამოიყვანონ და გადაიყვანონ პოლიტიკურ ჭრილში, რაც პირადად ჩემი და საზოგადოების ინტერესია გაერკვეს, თუ რა ხდება რეალობაში. არის კატეგორიულად მიუღებელი, ჩვენ არავითარ შემთხვევაში ამ ადამიანებს არ უნდა მივცეთ შესაძლებლობა, რაც არ უნდა გააკეთონ, ეს საკითხი პოლიტიკურ ჭრილში გადაიყვანონ და განიხილონ. არის კონკრეტული საქმე სამართლებრივად დაწყებული და გაეცა პასუხები.

რა შუაშია მედია ჩემთვის გაუგებარია, მე არ ვიცი საერთოდ ეს რა წერილია. მე ბევრი რამე წამიკითხავს, გარდა ამ წერილისა. ნებისმიერ ადამიანს, თქვენც შეგიძლიათ გააკეთოთ ანალოგიური წერილი, ჩემთვის ღიმილის მომგვრელი იყო ყველაფერი ის რაც ეწერა, საერთოდ რა შუაშია "ტვ პირველი" გაუგებარია ან "არტარეა", ალბათ მომავალში "ენკი-ბენკიზეც" იქნება საუბარი.

ჩვენ მოვისმინეთ გიორგი გახარია განცხადება, ის მზადაა ნებისმიერ კითხვას გასცეს პასუხი, ეს იქნება პარლამენტში მისვლა თუ სხვა ქმედებები, ასე რომ თუ რამე კითხვა არსებობს, ყველა კითხვას გაეცემა შესაბამისი პასუხი", - აღნიშნა კახა კალაძემ. 

შეგახენებთ, თბილისის საქალაქო სასამართლოში "თიბისი ბანკის" დამფუძნებელი მამუკა ხაზარაძე 5 მარტს გამოიკითხა. გამოკითხვას მაგისტრი მოსამართლე ესწრებოდა. შეხვედრა მას შემდეგ ჩაინიშნა, რაც 4 მარტს, პარლამენტში, საკომიტეტო მოსმენის დროს ბიზნესმენმა შინაგან საქმეთა მინისტრი გიორგი გახარია მუქარაში დაადანაშაულა. ხაზარაძის თქმით, მან არჩევნების მეორე ტურამდე გახარიასგან მუქარის შემცველი წერილი მიიღო, სადაც როგორც ბანკის დამფუძნებელი ამბობს, მინისტრი ბიზნესმენის რეპუტაციის შელახვაზე საუბრობდა. ამის შემდეგ ხაზარაძემ პარლამენტში, დროებითი საგამოძიებო კომისიის შექმნა მოითხოვა, რასაც "ევროპულმა საქართველომ" მხარი დაუჭირა და შესაბამისი ხელმოწერების შეგროვება დაიწყო. ამ განცხადების შემდეგ "ნაციონალურმა მოძრაობამ" შს მინისტრის გადადგომა მოითხოვა. თავად გიორგი გახარიამ ბრალდებები უარყო და აღნიშნა, რომ წერილებს არავის წერს. მან ხაზარაძეს პრივილეგირებული ბიზნესმენიც უწოდა. 

ცნობისთვის, დაკითხვის დასრულების შემდეგ, მამუხა ხაზარაძემ განაცხადა, რომ შს მინისტრ გიორგი გახარიასგან მიღებული წერილი ლონდონში, ექსპერტიზაზე გაგზავნა. 

ავტორი: ,

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება