გარემოს დაცვისა და სოფლის მეურნეობის მინისტრის მოადგილემ ხატია წილოსანმა ნარჩენების მართვის საკითხებთან დაკავშირებული პროექტების საკოორდინაციო შეხვედრა მისასალმებელი სიტყვით გახსნა.

ხატია წილოსანმა მადლობა გადაუხადა პარტნიორებს და დონორი ორგანიზაციის წარმომადგენლებს მხარდაჭერისთვის და ქვეყნისთვის ნარჩენების მართვის კოდექსის შემუშავების მნიშვნელობაზე ისაუბრა.

როგორც მინისტრის მოადგილემ აღნიშნა ნარჩენების მართვაში უმნიშვნელოვანესია საზოგადოებაში ცნობიერების ამაღლება, სადაც სახელმწიფო უწყებებთან ერთად არასამთავრობო სექტორის ჩართულობის მნიშვნელობაზე გაამახვილა ყურადღება.

ნარჩენების მართვის საკითხებთან დაკავშირებული პროექტების საკოორდინაციო შეხვედრაზე საქართველოს ნარჩენების მართვის სისტემების გაუჯობესებისა და შესაბამის საკითხებზე ცნობიერების ამაღლებისკენ მიმართული ერთობლივი მოქმედებების განხორციელების პერსპექტივები განიხილეს.

„ნარჩენების მართვის სექტორში კომუნიკაციის მნიშვნელობის განსაზღვრა განსაკუთრებით მნიშვნელოვანია. დღევანდელი შეხვედრის მიზანს ამავე სექტორში მიმდინარე სხვა პროექტებში კოორდინაციის გაუმჯობესება წარმოადგენს. ამით, ჩვენ გვინდა ხელი შევუწყოთ რეფორმირების პროცესს“, - განაცხადა ევროკავშირის წარმომადგენელმა საქართველოში, თემატური სექტორის ატაშემ ალექსანდრე დარასმა.

შეხვედრა საქართველოში ევროკავშირის დელეგაციის ინიციატივითა და საქართველოს გარემოს დაცვისა და სოფლის მეურნეობის სამინისტროსთან თანამშრომლობის ფარგლებში გაიმართა.

შეხვედრას ევროკავშირის დელეგაცია საქართველოში, ევროპის რეკონსტრუქციისა და განვითარების ბანკი (EBRD), გერმანიის რეკონსტრუქციის საკრედიტო ბანკი (KfW), გაეროს განვითრების პროგრამა (UNDP), შვედეთის საერთაშორისო განვითარების სააგენტო (SIDA) და სამინისტროს შესაბამისი სამსახურის წარმომადგენლები ესწრებოდნენ.

(NS)

ავტორი: ,

სოციალური ქსელები

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა