ფინანსთა მინისტრი ივანე მაჭავარიანი გამორიცხავს, რომ "თიბისი ბანკის" ირგვლივ დაწყებული გამოძიება რაიმე კავშირში იყოს ანაკლიის პორტის პროექტის შეფერხების მცდელობასთან.

როგორც მინისტრმა აღნიშნა, ხელისუფლება პორტის პროექტის განვითარებას ცდილობს.

„მე გამოვრიცხავდი, რომ ანაკლიას უკავშირდებოდეს, პირიქით, ანაკლიის პროექტთან დაკავშირებით ხელისუფლება მაქსიმალურად მხარს უჭერს პროექტის განვითარებას და დარწმუნებული ვარ, არანაირი კავშირი არ აქვს. არც ანაკლიას და არც TBC ბანკს, საფინანსო სისტემას საქართველოში არ ემუქრება არანაირი საფრთხე. იყო კონკრეტულ ტრანზაქციაზე კონკრეტული შეკითხვა და მჯერა, რომ ზუსტად ამ ტრანზაქციაზე იქნება პასუხი გასაცემი და მეტი არაფერი“, - განაცხადა ივანე მაჭავარიანმა. 

შეგახსენებთ, 14 თებერვალს, საქართველოს ეროვნულმა ბანკმა მამუკა ხაზარაძესა და ბადრი ჯაფარიძეს „თიბისი ბანკის“ დოკუმენტაციაზე ხელმოწერის უფლება შეუჩერა. გარდა ამისა, „თიბისი ბანკის“ აქციონერთა კრებას მათი სამეთვალყურეო საბჭოდან გაწვევისათვის 2-თვიანი ვადა მიეცა.  

„თიბისი ბანკში“ განაცხადეს, რომ ბანკისა და აქციონერების ინტერესების დასაცავად მათ ხელთ არსებულ ყველა სამართლებრივ საშუალებას გამოიყენებენ და სასამართლო დავას გააგრძელებენ.

ავტორი: ,

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება