2019-02-15 12:35:23, 1850 ნახვა

---

გახარია ფარულ ჩანაწერებზე: თუ დაგვჭირდება საერთაშორისო პარტნიორების დახმარების თხოვნა, ამასაც გავაკეთებთ

დღეს ფარული ჩანაწერების საქმესთან დაკავშირებით დაწყებულია დევნა 18 ადამიანზე, - ამის შესახებ შინაგან საქმეთა მინისტრმა გიორგი გახარიამ განაცხადა.

მისივე თქმით, საგამოძიებო ორგანოებს კომუნიკაცია აქვს დაზარალებულ მხარესთან და ძირითადი მიზანი პირველწყაროს დადგენაა.

„დღეს ამ საქმესთან დაკავშირებით დაწყებულია დევნა 18 ადამიანზე. ჩვენ დაზარალებულ მხარესთანაც გვაქვს აქტიური კომუნიკაცია. ჩვენი ძირითადი მიზანი გახლავთ პირველწყაროს დადგენა. ერთხელ უკვე ვთქვით და კიდევ გავიმეორებთ, თუ ამ მიმართულებით დაგვჭირდება საერთაშორისო პარტნიორების დახმარების თხოვნა, ამასაც გავაკეთებთ. როგორც ჩანს, უახლოეს პერიოდში ამას გავაკეთებთ. მარტივია საუბარი მსგავს დანაშაულზე სხვადასხვა სპეკულირების ტონალობით, მაგრამ ერთი რამ უნდა ვიცოდეთ, ვერ დავუშვებთ სხვაობას გავრცელების პირველწყაროს, შენახვას ან გავრცელებას შორის, ეს იქნება შეუძლებელი მსგავს დანაშაულთან ეფექტური ბრძოლისთვის, ამიტომ მივიჩნევთ, რომ რასაც გამოძიება აკეთებს, უნდა გაგრძელდეს. ერთი რამ უნდა გვესმოდეს, რომ მსგავსი ჩანაწერების გავრცელება და ფლობა არა მხოლოდ ამორალური, არამედ სისხლის სამართლის დანაშაულია და შსს ყოველთვის იქნება იძულებული, მსგავსი სახის დანაშაულზე ჰქონდეს შესაბამისი რეაგირება“, - აღნიშნა გახარიამ.

---

ავტორი: ,

---

დღის თემა

მთავარი თემა

ინტერვიუ - ექსკლუზივი