საპარლამენტო უმრავლესობის წევრი ეკა ბესელია მისი პირადი ცხოვრების ამსახველი კადრების გავრცელებას ეხმაურება და აღნიშნავს, რომ მსგავსი ტიპის ზეწოლას ელოდა. 

როგორც ბესელიამ განმარტა, კადრების გავრცელება მოულოდნელი არ ყოფილა და დასძინა, რომ ეს ვიდეომასალა დიდი ხნის გაკეთებულია. 

„გავიღიმე ამ ყველაფერზე და მინდა ვუთხრა მათ ვინც დგას ამ ყველაფერის უკან - თქვენ ეტყობა მე არ მიცნობთ კარგად იმიტომ, რომ ასეთ მდაბიო , ასეთ საცოდავ მეთოდებს მიმართავენ ადამიანები რომლებიც არიან უკვე უფრო დაბლა ვიდრე ჭაობი. ველოდი მართალი გითხრათ, ვერ ვიტყვი რომ ეს ჩემთვის მოულოდნელი იყო და ვიღაც არ იკადრებდა ამას. ამისთვის მზად ვიყავი. ეს არ არის ახალი ჩანაწერი. ეს უკანონო ჩანაწერი, რომელიც ასახავს ოჯახური  საიდუმლოების და სივრცის უკანონო ჩანაწერს და შინაარსი აქ არაფერი არ არის ასახსნელი, უბრალოდ ფორმაა ამაზრზენი , ეს ჩანაწერი დევს იმ სისხლის სამართლის საქმეში, მე ვთქვი ეს  როგორც ფაქტი“,-განაცხადა ეკა ბესელიამ.

ეკა ბესელია გადაცემა "არჩევანში" იუსტიციის უმაღლესი საბჭოს მოსამართლე წევრის, დიმიტრი გვრიტიშვილის განცხადებასაც გამოეხმაურა, რომელმაც არ გამორიცხა რომ შესაძლოა კადრები თავად ეკა ბესელიამ გაავრცელა და დასძინა, რომ ეს მდაბიო განცხადებაა. 

"ერთ -ერთი მოსამართლე, რომელიც არის იუსტიციის ... არც მინდა გვარის ხსენება. ის ჩემთვის კრებსითად განასახიერებს იმ ადამიანებს , რომლებიც იმაზე უფრო უარესები არიან  ვიდრე აი ამის ჩამდენები და რატომ? ამ ადამიანმა გაახმოვანა გზავნილი რომ თითქოს ეს ჩვენს ინტერესებშია. ახლა წარმოიდგინეთ იმაზე უფრო მეტი სიმდაბლე  ვიდრე ამ მეთოდებით ბრძოლაა ხომ არ არსებობს. ამაზე უარესი რამე თუ შეიძლებოდა წარმომედგინა არის ეს ფსიქოლოგია, რომ ესეთი რამ შეიძლება გაგიჩნდეს თავში ეს აზრი რომ დააბრალო  იმ ადამიანებს ვისაც ამას უვრცელებენ რომ  ეს შეიძლება იყოს მათი გაკეთებული. გესმით სად ვართ და ამის გახმოვანებული არის მოსამართლე რომელსაც უნდოდა უვადოდ აგვერჩია უზენაეს სასამართლოში. ის ახმოვანებს ამ სათქმელს“, - აღნიშნა ეკა ბესელიამ.

ავტორი: ,

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება