პროექტის - „მინისტრის პირისპირ“ ფარგლებში, სხვადასხვა მედიის წარმომადგენლებთან შეხვედრისას, საქართველოს თავდაცვის მინისტრმა ლევან იზორიამ სამხედრო მოსამსახურეთა სოციალური პირობებისა და სახელფასო უზრუნველყოფის გაუმჯობესებაზეც ისაუბრა.

„ჩვენთვის პრიორიტეტული მიმართულება წელსაც სამხედრო მოსამსახურეთა სოციალური პირობების და სახელფასო უზრუნველყოფის გაუმჯობესებაა. ჩვენ ეს პოლიტიკა 2016 წლიდან დავიწყეთ, თუმცა ინტენსიური ხასიათი 2018 წელს მიიღო. სამხედრო მოსამსახურეთა რაოდენობა, ვინც განახლებულ, გაუმჯობესებულ ხელფასებს 2019-2020 წლებში მიიღებს, უფრო გაფართოვდება. წელს მათი რაოდენობა იქნება ჯამში 7000-ზე მეტი. ეს განპირობებულია იმით, რომ საქართველოს მზადყოფნის პროგრამაში ჩართული ყველა დანაყოფის სამხედრო მოსამსახურე მიიღებს განახლებულ სახელფასო უზრუნველყოფას, რომელიც წოდების მიხედვით 100-დან 500 ლარის ფარგლებში მერყეობს“, - აღნიშნა მინისტრმა.

ლევან იზორიას განცხადებით, ახალ სახელფასო უზრუნველყოფას სხვა დანაყოფებიც მიიღებენ: „გვაქვს ამბიცია, რომ მოვიცვათ სრულად მთელი თავდაცვითი ძალები და ყველა სამხედრო მოსამსახურეს, ამ პრინციპის საფუძველზე ჰქონდეს გაუმჯობესებული სახელფასო უზრუნველყოფა“.

„მინისტრის პირისპირ“ ფარგლებში ჟურნალისტებთან გამართულ შეხვედრაზე ლევან იზორია საბინაო პოლიტიკასაც შეეხო და აღნიშნა, რომ ვალდებულების შესრულება, რომელიც სამხედრო მოსამსახურეებისთვის კონტრაქტით გათვალისწინებული ბინების გადაცემას გულისხმობს, 2019-2020 წლებში დასრულდება. „ყველა სამხედრო მოსამსახურე, რომლის წინაშეც სახელმწიფოს კონტრაქტის საფუძველზე გააჩნია ვალდებულება, დაკმაყოფილდება ბინით, როგორც გორში, ისე თბილისში. 2020 წელს ჩვენ ამ ვალდებულებას დავასრულებთ, გვაქვს რა ფინანსური შესაძლებლობები, რომ ყველა სამხედრო მოსამსახურე, ვისაც კონტრაქტით ეკუთვნის ბინა დავაკმაყოფილოთ“, - განაცხადა თავდაცვის მინისტრმა.

შეხვედრის დასასრულს, ლევან იზორიამ ჟურნალისტების კითხვებსაც უპასუხა.

2019 წლის განმავლობაში, პროექტ „მინისტრის პირისპირ“ ფარგლებში საქართველოს თავდაცვის მინისტრი მედიისა და არასამთავრობო სექტორის წარმომადგენლებთან შეხვედრებს რეგულარულად გამართავს.

(NS)

ავტორი: ,

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით