2019-01-11 18:55:55, 1638 ნახვა

---

ზურაბიშვილი: არ მგონია, დღევანდელი დღე გვაძლევდეს საშუალებას, რომ საქართველო რუსეთთან რაიმე ურთიერთობაში იყოს

 „არამგონია რომ დღევანდელი დღე გვაძლევდეს საშუალებას, რომ საქართველო რუსეთთან იყოს რაიმე ურთიერთობაში“, - ამის შესახებ საქართველოს პრეზიდენტმა, სალომე ზურაბიშვილმა პრესკონფერენციაზე განაცხადა.

როგორც პრეზიდენტმა აღნიშნა, რუსეთთან ურთიერთობები საქართველომ დასავლელ პარტნიორებთან უნდა შეათანხმოს.

„დღევანდელ დღეს და დღევანდელ პირობებში და სანამ მე არ დავინახავ რომ არის რაღაცა წინაპირობები იმისთვის, რომ გვქონდეს დიპლომატიური ურთიერთობები, დაარქვით დიალოგი თუ რაიმე ტიპის ახალი ურთიერთობა, ჩემი აზრით ვერ იქნება, თუ არა ჩვენს მთავარ პარტნიორებთან ერთად. მე არამგონია, რომ დღევანდელი დღე გვაძლევდეს საშუალებას, საქართველო რუსეთთან იყოს რაიმე ურთიერთობაში, საწყის ურთიერთობაში, ისე რომ ეს არ იყოს თავის უახლოეს პარტნირებთან შეთანხმებული ბოლომდე“, - აღნიშნა სალომე ზურაბიშვილმა.

---

ავტორი: ,

---

დღის თემა

მთავარი თემა

ინტერვიუ - ექსკლუზივი