"ჩემს მიმართ წარდგენილი ბრალდება აბსურდულია, დაკავებისას არანაირი ნარკოტიკული საშუალება არ მქონია”, - ამის შესახებ განსაკუთრებით დიდი ოდენობით ნარკოტიკული საშუალებების საქართველოში უკანონოდ შემოტანაში ბრალდებულმა, მსახიობმა გიორგი გიორგანაშვილმა განაცხადა.

როგორც მან აღნიშნა, წარდგენილი ბრალის აღიარება მისთვის წარმოუდგენელია.

„ვიცი რა მკაცრია დღევანდელი კანონმდებლობა ნარკოდანაშაულის მიმართ და ცხადია მე ამხელა რისკზე არ წავიდოდი. ჩემთვის წარმოუდგენელია ვაღიარო ის რაც მე არ ჩამიდენია.  ის რაც დღეს ჩემ თავს ხდება არ არის მხოლოდ ერთი ადამიანის, გიორგი გიორგანაშვილის ისტორია. ესაა ამბავი, რომელშიც მთელი ქვეყანა უსამართლოდაა გაჭედილი, იმ პროკურორების გამო, რომლებსაც არ აინტერესებთ რეალურად საქმის გამოძიება და ნათითხნი ბრალდებებით ცდილობენ ამ საქმის ბოლომდე მიყვანას. იმ ჩინოვნიკების  და მინისტრების გამო, რომლებიც ამ სისტემას კბილებით იცავენ, რადგან კომფორტის და სავარძლის დაკარგვის ეშინიათ“, - განაცხადა გიორგი გიორგანაშვილმა.

შეგახსენებთ, რომ ნარკოდანაშაულში მსჯავრდებულ „ბახალას“ შინაგან საქმეთა სამინისტრომ, მიმდინარე წლის 2 აპრილს ბრალი საქართველოს სისხლის სამართლის კოდექსის 260-ე და 262-ე მუხლებით დაუმძიმა. რაც ორგანიზებული ჯგუფის მიერ განსაკუთრებით დიდი ოდენობით ნარკოტიკული საშუალებების უკანონო შეძენა-შენახვის და საქართველოს ტერიტორიაზე უკანონოდ შემოტანას გულისხმობს.  ბრალის დამტკიცების შემთხვევაში მას 20 წლამდე ან უვადო თავისუფლების აღკვეთა ექმუქრება.

ავტორი: ,

სოციალური ქსელები

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური

კახა კალაძე: „ნაციონალურ მოძრაობას“ პოლიტიკურ პარტიასაც ვერ ვუწოდებ