გახარია: არჩევნებთან დაკავშირებით დევნა დაწყებულია 26 პირზე - სამწუხაროდ მათი დიდი ნაწილი მმართველი პარტიის წარმომადგენელია

2018-12-21 16:54:29, 1618 ნახვა

კომენტარი

შინაგან საქმეთა მინისტრის გიორგი გახარიას განცხადებით, არჩევნებთან დაკავშირებით სისხლის სამართლებრივი დევნა 26 პირზეა დაწყებული.

როგორც გახარიამ პარლამენტში სიტყვით გამოსვლისას აღნიშნა, მან იცის რომ არჩევნებთან დაკავშირებით საერთაშორისო დონეზე გარკვეული ტიპის განხილვები იქნება.

„ჩვენც კარგად გვესმის საერთაშორისო დონეზე როდის, სად, რა განხილვები დაიწყება ჩვენს არჩევნებთან დაკავშირებით. გარწმუნებთ, რომ ამ პერიოდამდე, ყველა ის მასალა და ყველა ის საქმე, რომლის დასრულებაც შესაძლებელი იქნება, დასრულდება. მესმის ყველაფერი, როდესაც ვსაუბრობთ საარჩევნო პროცესში ინციდენტების შესახებ, თუმცა, ასევე უნდა გავითვალისწინოთ სხვადასხვა სახელმწიფო უწყებების კომპეტენცია. სრულად ვაგებ პასუხს იმ ნაწილზე, რომელიც შს სამინისტროს კომპეტენციას შეეხება. ძალადობრივი დანაშაულებები და ქმედებები, რომელსაც ადგილი ჰქონდა საარჩევნო პერიოდში, ყველა შემთხვევაზე შს სამინისტროს მიერ დაწყებული იყო გამოძიება, მათ შორის ახალქალაქის შემთხვევაზეც. სისხლის სამართლებრივი დევნა არის დაწყებული 26 პირზე. სამწუხაროდ, დიდი ნაწილი ამ ხალხის არის მმართველი პარტიის წარმომადგენელი“, - განაცხადა გახარიამ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები