პროკურორი: 2015-ში კირკიტაძეს გირაო ჰქონდა შეფარდებული, თუმცა მან დამატებით დანაშაული ჩაიდინა

2018-12-20 13:41:16, 1512 ნახვა

კომენტარი

პროკურორის განცხადებით, დავით კირკიტაძეს 2015 წელს აღკვეთის ღონისძიების სახით გირაო ჰქონდა შეფარდებული, თუმცა მან დამატებით დანაშაული ჩაიდინა.

ბრალდების მხარის განმარტებით, აღნიშნულის გამო დადგა მისი პატიმრობის აუცილებლობა.

„პროკურატურამ მიმართა შუამდგომლობით სასამართლოს რომ აღკვეთის ღონისძიების სახით დავით კირკიტაძის მიმართ გამოყენებული ყოფილიყო პატიმრობა. ჩვენ აღნიშნულს ვასაბუთებდით შუამდგომლობაში აღწერილი გარემოების მიხედვით. მას 2015 წელს აღკვეთის ღონისძიების სახით შეფარდებული ჰქონდა გირაო 10 ათასი ლარი ოდენობით. მან დაარღვია გირაოს გამოყენების პირობა, იმხილება ახალი დანაშაულის ჩადენაში", -განაცხადა პროკურორმა და დასძინა, რომ წინასასამართლო სხდომა 2019 წლის 12 თებერვალს არის ჩანიშნული.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები