სასტუმროში „იოტა“ გამართულ შეხვედრაზე კახეთის რეგიონში ზამთრის და სოფლის საძოვრების  მართვის ეკონომიკური შეფასების შედეგები განიხილეს. შეხვედრას გარემოს დაცვისა და სოფლის მეურნეობის მინისტრის მოადგილე გიორგი ხანიშვილი ესწრებოდა. 

მონაწილეებმა საძოვრების  მართვის არსებული პრაქტიკის  ეკონომიკურ სარგებელზე და გადაჭარბებული ძოვების შედეგად უნიკალური ეკოსისტემების დეგრადაციით გამოწვეულ დანაკარგებზე იმსჯელეს. შეხვედრის ფარგლებში, მონაწილეები მდგრადი, ერთიანი ძოვების სისტემის საერთაშორისო პრაქტიკის შედეგებს თურქეთის მაგალითზე გაეცნენ.

როგორც გარემოს დაცვისა და სოფლის მეურნეობის მინისტრის მოადგილემ, გიორგი ხანიშვილმა აღნიშნა, მთავრობა მზადაა, გადადგას კონკრეტული ნაბიჯები, რაც მნიშვნელოვნად გააუმჯობესებს საძოვრების მართვას. 
 
შეხვედრის ფარგლებში, წარმოდგენილი იყო პრეზენტაციები კახეთში საძოვრების მართვის არსებული სისტემის ეკონომიკურ შეფასებასა და  საძოვრების  მდგრადი მართვის სისტემის დასანერგად განსახორციელებელ სამ მიმართულებაზე: ძოვების არსებული პრაქტიკის გაგრძელება და პირუტყვის რაოდენობის დარეგულირება; ინტენსიური როტაციული ძოვების დანერგვა; წლიური როტაციული ძოვების შემოღება.

შეხვედრას საქართველოს გარემოს დაცვისა და სოფლის მეურნეობის, ეკონომიკისა და მდგრადი განვითარების, რეგიონული განვითარებისა და ინფრასტრუქტურის სამინისტროების, საერთაშორისო  და ადგილობრივი არასამთავრობო ორგანიზაციების, სამეცნიერო წრეებისა და მეცხვარეთა ასოციაციის  40-მდე წარმომადგენელი ესწრებოდა.

განხილვა საქართველოს გარემოს დაცვისა და სოფლის მეურნეობის სამინისტროს, გერმანიის საერთაშორისო თანამშრომლობის საზოგადოების (GIZ) სექტორული პროექტების  „მიწის დეგრადაციის ეკონომიკა“ (ELD) და „ბიომრავალფეროვნების მდგრადი მართვა კავკასიაში“, ასევე, კავკასიის რეგიონული გარემოსდაცვითი ცენტრის (REC) ორგანიზებით გაიმართა. 

(NS)

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს