იუსტიციის სამინისტროს ორ საზოგადოებრივ ცენტრში (ტყვიავისა და რუხი) ბრიტანეთის საბჭოს ორგანიზებით სოფლიდან გაუსვლელად ახალგაზრდები ინგლისურ ენას შეისწავლიან, ხოლო ინგლისური ენის მასწავლებლები პროფესიულ გადამზადებას გაივლიან.

ტყვიავის საზოგადოებრივ ცენტრში გამართულ პროექტის პრეზენტაციას, საქართველოში ბრიტანეთის ელჩი ჯასტინ მაკენზი სმიტი, სახელმწიფო სერვისების განვითარების სააგენტოს თავმჯდომარე სოსო გიორგაძე, შერიგებისა და სამოქალაქო თანასწორობის საკითხებში სახელმწიფო მინისტრის მოადგილე ლია გიგაური და ორგანიზაციის - „ბრიტანეთის საბჭო საქართველოში“ − დირექტორი ზაზა ფურცელაძე დაესწრნენ.

ბრიტანეთის საბჭომ საზოგადოებრივი ცენტრები - ინგლისური ენის შემსწავლელი კლუბების ორგანიზებისა და ეფექტური მუშაობისთვის მათი თანამედროვე ინფრასტრუქტურისა და ტექნოლოგიური უპირატესობების გამო შეირჩა. ცენტრების თანამედროვე შენობები აღჭურვილია კომპიუტერებით, უკაბელო ინტერნეტით, ბიბლიოთეკებით, სამკითხველო დარბაზებით, შეხვედრების ოთახებით. მათი მთავარი მახასიათებელი ადგილობრივთა საჭიროებებზე ორიენტაციაა.

ბრიტანეთის საბჭომ იუსტიციის სამინისტროსთან, განათლებისა, მეცნიერების, კულტურისა და სპორტის სამინისტროსთან პარტნიორობით ინგლისური ენის პირველი კლუბები გასულ წელს საქართველოს მასშტაბით 6 საზოგადოებრივ ცენტრში გახსნა: ორსანტიის, ჩაქვის, დიდი ჯიხაიშის, წალკის, ვალესა და კაბალის საზოგადოებრივ ცენტრებში. ერთი წლის განმავლობაში ინგლისური ენის კურსი 1 500-ზე მეტმა მოზარდმა გაიარა.

ინგლისური ენის კლუბების შექნის შესახებ ურთიერთთანამშრომლობის მემორანდუმი 2017 წლის 18 დეკემბერს გაფორმდა და მას ხელი უცხოური არასამეწარმეო იურიდიული პირის − „ბრიტანეთის საბჭო საქართველოში“ − დირექტორმა, იუსტიციის მინისტრმა და განათლებისა, მეცნიერების, კულტურისა და სპორტის მინისტრმა მოაწერეს.

(NS)

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს