„საქართველო მსოფლიო მასშტაბით ბიზნესის კეთების სიმარტივით გამოირჩევა, რაც არა მხოლოდ უნდა შევინარჩუნოთ, არამედ გავაუმჯობესოთ," - განაცხადა ეკონომიკისა და მდგრადი განვითარების მინისტრმა გიორგი ქობულიამ ჟურნალისტებთან საუბრისას საქართველოს ბიზნესასოციაციის წევრებთან შეხვედრის შემდეგ.

შეხვედრას საქართველოს ბიზნესასოციაციის 50-ზე მეტი მსხვილი კომპანიის ხელმძღვანელი პირი დაესწრო. შესავალ სიტყვაში, ეკონომიკისა და მდგრადი განვითარების მინისტრმა საქართველოს ეკონომიკური პოლიტიკის ძირითადი მიმართულებების, მიმდინარე და დაგეგმილი რეფორმებისა და სამომავლო გეგმების შესახებ ისაუბრა. მან ყურადღება გაამახვილა ისეთ მნიშვნელოვან გადაწყვეტილებებზე, როგორიცაა სასამართლო სისტემის, კაპიტალის ბაზრის განვითარების, გადახდისუუნარობის რეფორმები და სხვა.

გიორგი ქობულიას განცხადებით, საქართველოს ხელისუფლება დიდ ყურადღებას აქცევს ქვეყნის ბიზნესგარემოს გაუმჯობესებას და სამომავლოდ ამ მიმართულებით მნიშვნელოვანი გადაწყვეტილებების მიღებას აპირებს. „დღეს ძირითად გამოწვევებს წარმოადგენს საქართველოს კონკურენტუნარიანობის განმსაზღვრელი ორი ძირითადი ფაქტორი, როგორიცაა მუშახელის კვალიფიკაცია და ლოგისტიკური უპირატესობა. თუ ჩვენ არ გავზრდით მუშახელის კვალიფიკაციას, გაგვიჭირდება ინვესტიციებისა და ბიზნესის აქტივობის ზრდის ტემპების დაჩქარება" - აღნიშნა მინისტრმა.  მისივე თქმით, მთავრობა ასევე პრიორიტეტულად მიიჩნევს  ქვეყნის სატრანსპორტო და ლოგისტიკური სისტემების განვითარებას, რომელიც ხელს შეუწყობს ქვეყანას, შეიძინოს ახალი ეკონომიკური ფუნქციები.  

ეკონომიკისა და მდგრადი განვითარების მინისტრმა ბიზნესასოციაციის წევრებს მადლობა გადაუხადა თანამშრომლობისთვის და სურვილი გამოთქვა, რომ ეს კომუნიკაცია კიდევ უფრო მეტი ინტენსივობით გაგრძელდეს.

გიორგი ქობულიას მისალმების შემდეგ, შეხვედრაზე დისკუსია გაიმართა.

შეხვედრას ბიზნესასოციაციაში ასევე დაესწრნენ ეკონომიკისა და მდგრადი განვითარების მინისტრის მოადგილეები ეკატერინე მიქაბაძე, ლაშა მიქავა და აკაკი საღირაშვილი, აგრეთვე ბიზნესომბუდსმენი ირაკლი ლექვინაძე და სავაჭრო-სამრეწველო პალატის პრეზიდენტი ნინო ჩიქოვანი.

(NS)

ავტორი: ,

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის