საქართველოს განათლებისა და მეცნიერების სმაინისტროს გადაწყვეტილებით, მე-11 კლასელების დამამთავრებელი გამოცდების პრეტესტი მთელ საქართველოში ხვალ- 16 ივნისს ჩატარდება. შესაბამისად, გამოცდები დაიწყება ზეგ, 17 ივნისს დილის 9:00 საათიდან. სკოლები იმ განრიგით იხელმძღვანელებენ, რომელიც შემუშავებული ჰქონდათ. ამასთან, უწყებაში განმარტავენ, რომ გამოცდები მხოლოდ ერთი დღით გადაიწევს, რის გამოც სარეზერვო დღის (შაბათის) გამოყენება მოხდება. 
სამინისტროს ინფორმაციით, პრეტესტი არ წარმოადგენს სავალდებულო აქტივობას და არის ნებაყოფლობითი, თუმცა ამ ფორმით ყველა მოსწავლეს საშუალება ექნება,  დამამთავრებელი გამოცდისთვის უკეთ მოემზადოს  და ტესტის აპრობაცია გაიაროს. აქვე დეტალური ინფორმაცია განრიგის შესახებ დღის დაახლოების სამ საათზე შეფასებისა და გამოცდების ეროვნული ცენტრის ვებგვერდზე: www.naec.ge განთავსდება.

ამასთან, სამინისტროს ცნობით, სტიქიის შედეგად შექმნილი პრობლემების გამო, მომავლის სკოლის მე-11 კლასელები პრეტესტსა და გამოცდებს თბილისის 55-ე საჯარო სკოლაში ჩააბარებენ. ასევე ცნობილი გახდა, რომ  საქართველოს განათლებისა და მეცნიერების სამინისტროს გადაწყვეტილებით, სტიქიის შედეგად დაზარალებული ოჯახებისთვის, განსაკუთრებით კი, ბავშვებისთვის, სამინისტროს ფსიქოლოგიური ცენტრები  საგანგებო რეჟიმში,  სრული დატვირთვით იმუშავებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ერთ წელიწადში საქართველოში 1560 ბავშვზე იძალადეს, მათ შორის 170-ზე სექსუალურად

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა