საქართველოს თავდაცვის მინისტრი ლევან იზორია დღეს საფრანგეთში გაემგზავრება.

როგორც იზორიამ ჟურნალისტებს განუცხადა, ვიზიტის ფარგლებში ანტისაჰაერო სისტემის შესყიდვაზე ფრანგულ მხარესთან ახალი კონტრაქტი გაფორმდება.

მისი თქმით, ანტისაჰაერო სისტემები საქართველოს თავდაცვის ერთ-ერთი პრიორიტეტული მიმართულებაა.

„წელს პირველად თავდაცვის ბიუჯეტიდან 20% შეიარაღებაზე მივმართეთ, რის საფუძველზეც თანამედროვე ტექნოლოგიების სისტემებს ვყიდულობთ. განსაკუთრებით აღვნიშნავ ანტისატანკო სისტემებს, რომლებიც წლის დასაწყისში შევიძინეთ. ამ საღამოს მივემგზავრები საფრანგეთში, რათა ხვალ გაფორმდეს ახალი კონტრაქტი ანტისაჰაერო სისტემის შესყიდვასთან დაკავშირებით ფრანგულ მხარესთან. ეს პროცესი გრძელდება და ეს არის ერთ-ერთი პრიორიტეტული მიმართულება. ანტისაჰაერო სისტემის ფარგლებში პირველი შეიარაღება უკვე მივიღეთ და ავამოქმედეთ“, – განაცხადა თავდაცვის მინისტრმა.

ავტორი: ,

სოციალური ქსელები

ნაცნობ მამაკაცს რამდენჯერმე ესროლა - ბათუმში განზრახ მკვლელობის ბრალდებით კაცი დააკავეს

სტამბოლში დღეს საქართველოს, თურქეთისა და აზერბაიჯანის საგარეო საქმეთა მინისტრების რიგით მეათე შეხვედრა გაიმართება

ისრაელმა ირანში ნავთობქიმიურ კომპლექსს დაარტყა

სომხეთში დამუშავებული ბიულეტენების 95%-ს მიხედვით, პრემიერის პარტია 50.07% იღებს