თბილისის მერი კახა კალაძე ლილოში „იტონგის“ (Ytong) ენერგოეფექტური ბლოკის ქარხნის სამშენებლო სამუშაოებს გაეცნო.

როგორც დედაქალაქის მერმა აღნიშნა, მსგავსი პროექტების განხორციელება მნიშვნელოვანია, რადგან ქარხანა პროდუქტს ქართული მასალებისგან დაამზადებს და ამასთან, 200-მდე სამუშაო ადგილი შეიქმნება.

„დედაქალაქში კიდევ ერთი მნიშვნელოვანი პროექტის განხორციელება დაიწყო - ბლოკის ქარხნის მშენებლობა. ეს არის მსოფლიოში ერთ-ერთი ყველაზე ძლიერი და ყველასთვის ცნობილი გერმანული ბრენდი - „იტონგი“, რომელიც სამშენებლო სექტორში საქმიანობს. აღნიშნული პროექტის განხორციელება მნიშვნელოვანია იმ თვალსაზრისით, რომ ამ პროდუქტის შექმნა მთლიანად ქართული მასალებით, საქართველოში მოპოვებული წიაღისეულით მოხდება. დაახლოებით 200-მდე სამუშაო ადგილი შეიქმნება და 2019 წლის ივნის-ივლისში დასრულდება. სამუშაოები „საპარტნიორო ფონდთან“ ერთად მიმდინარეობს და მასში დაახლოებით 50 მილიონი ლარის ინვესტიცია ჩაიდება. როგორც ქალაქის მერი, ასეთი პროექტების განხორციელებას მივესალმები, რადგან დამატებითი სამუშაო ადგილები იქმნება, რაც ჩვენი მოსახლეობისთვის ყველაზე მნიშვნელოვანიანია“, - განაცხადა კახა კალაძემ

აღნიშნული პროექტი „საპარტნიორო ფონდის“, ქართული კომპანია „არქი ჯგუფისა“ და გერმანული კომპანია „ქსელა გრუპის“ ერთობლივი თანამშრომლობით ხორციელდება და საქართველოში ენერგოეფექტური სამშენებლო გაზობლოკების წარმოებას გულისხმობს.

ლილოში ენერგოეფექტური ბლოკის ქარხნის სამშენებლო სამუშაოებს თბილისის მერთან ერთად, პრემიერ-მინისტრი მამუკა ბახტაძე, „საპარტნიორო ფონდის“ ხელმძღვანელი დავით საგანელიძე და დეველოპერული კომპანია „არქი ჯგუფის“ დამფუძნებელი ილია წულაია გაეცნენ.

(NS)

ავტორი: ,

სოციალური ქსელები

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს