თბილისის მერი კახა კალაძე საქართველოს მორაგბეთა ეროვნული ნაკრების საგულშემატკივროდპირველი რესპუბლიკის მოედანზე იმყოფებოდა, სადაც საქართველოსა და იტალიის ნაკრებებს შორის მატჩის პირდაპირი ტრანსლაცია გაიმართა.  მატჩის ტრანსლაციას უამრავი გულშემატკივარი დაესწრო. 

თბილისის მერმა მატჩის დაწყებამდე ქართველ „ბორჯღალოსნებს“ წარმატებები უსურვა.  

„წარმატებას ვუსურვებ ჩვენს გუნდს, რასაც ყველა ველოდებით. ძალიან რთული შეხვედრა იქნება, იტალია ძალიან ძლიერი გუნდია. ჩვენ ვამაყობთ მათი გამარჯვებებით. მთელი თბილისის ახალგაზრდობა აქ არის. ვინც ვერ ახერხებს აქ მოსვლას, ისინი სახლიდან უყურებენ. ყველა ვგულშემატკივრობთ ჩვენს ბიჭებს“, - განაცხადა თბილისის მერმა.

მატჩის პირდაპირი ტრანსლაცია დიდ ეკრანზე, პირველი რესპუბლიკის მოედანზე, თბილისის მერიამ უზრუნველყო. 

ფლორენციაში, „არტემიო ფრანკის“ სახელობის სტადიონზე, სადაც „ბორჯღალოსნები“ იტალიის ნაკრებს შეხვდნენ, პირველი რესპუბლიკის მოედნიდან ეროვნული ჰიმნი აჟღერდა. რესპუბლიკის მოედანზე ეროვნული ჰიმნი ანსამბლ „შვიდკაცასთან“ და „ჰერიოსთან“ ერთად გულშემატკივრებმა შეასრულეს.

(NS)

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია