საქართველოს უმსხვილესი ბიზნეს გაერთიანების - დამსაქმებელთა ასოციაციის პრეზიდენტის ელგუჯა მელაძის განცხადებით, მსოფლიო ბანკის „Doing Business 2019“ - ის რეიტინგში საქართველოს პოზიციის 3 საფეხურით გაუმჯობესება უდავოდ დიდი წარმატება და იმ მიღწევების აღიარებაა, რომელსაც ქვეყანამ ბოლო ერთი წლის განმავლობაში მიაღწია.

ამავე დროს, მასში აისახა ის გამოწვევებიც, რომლის წინაშეც დგას დღეს ქვეყანა. ამდენად, ეს არის ახალი სამიზნე მაჩვენებლები, რომელთაც მომავალ წლებში უნდა მივაღწიოთ და უფრო ეფექტურად და კოორდინირებულად ვიმუშაოთ. 

„პოტენციურ ინვესტორებთან ქვეყნის პრეზენტაციისას, ჩვენ, ბიზნესის წარმომადგენლები, ყოველთვის ვამბობთ, რომ საქართველოში კარგი და ბიზნეს-მეგობრული საინვესტიციო კლიმატია. სწორედ ისეთი რეიტინგების გათვალისწინებით, როგორიცაა მსოფლიო ბანკის “Doing Business”, ჩვენი განცხადებები ხელსაყრელი ბიზნეს კლიმატის შესახებ არ არის ლიტონი სიტყვები. ისინი გამყარებულია ავტორიტეტული რეიტინგებითა და საერთაშორისო კვლევებით.  “Doing Business” - ის რეიტინგში საქართველოს პოზიციის 3 საფეხურით გაუმჯობესება ერთობლივი კარგი მუშაობის შედეგია. პირველ რიგში, გამოვყოფდი მთავრობის მხრიდან ეფექტური და ადეკვატური მუშაობას,“ - განაცხადა ელგუჯა მელაძემ. 

ამავე დროს, დამსაქმებელთა ასოციაციის პრეზიდენტმა აქცენტი გააკეთა ბიზნესის მნიშვნელოვან როლზეც, რომელსაც მუდმივი კომუნიკაცია აქვს ქვეყნის სამთავრობო უწყებებთან, აწვდის მას ბიზნესის განვითარებისთვის მნიშვნელოვან ინფორმაციას, რაც, საბოლოო ჯამში,  საქართველოში ბიზნეს მეგობრული გარემოს ჩამოყალიბებას უწყობს ხელს.

(NS)

ავტორი: ,

სოციალური ქსელები

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა