2-4 ნოემბერს პოპ-კულტურისა და ტექნოლოგიების ფესტივალი - CAUCASUS  CON - გაიმართება.

2 ნოემბერს თიბისის მხარდაჭერით თბილისი მოლში თანამედროვე ვიზუალური ხელოვნებისა და ტექნოლოგიების 3 დღიანი ფესტივალი დაიწყება. ფესტივალის მიზანია საქართველოში ანიმაციისა და კომპიუტერული თამაშების განვითარების ხელშეწყობა.

ღონისძიებები 4 ძირითად მიმართულებას აერთიანებს:

ანიმაციური ფილმების საბავშვო ფესტივალი

საკონკურსო პროგრამები - ანიმაციური სრულმეტრაჟიანი და მოკლემეტრაჟიანი ფილმების ჩვენება და მოწვეული ჟიურის მიერ საუკეთესოს გამოვლენა და დაჯილდოება.

პანორამა - უახლესი ანიმაციური ფილმების კონკურსგარეშე ჩვენებები.

რეტროსპექტივა - ბოლო წლებში და შექმნილი ანიმაციური ფილმების ნარჩევი კრებულის ჩვენება.

ანიმაციური ჯემი - 48 საათიანი კონკურსი, რომლის ფარგლებში შეიქმნება მოკლემეტრაჟიანი ანიმაციური ფილმები

  კომპიუტერული თამაშების ფესტივალი

კომპიუტერული თამაშების ფესტივალის ფარგლებში გაიმართება კონკურსი თამაშების პროტოტიპის ან დასრულებული ვერსიების შექმნაში. ასევე ჩატარდება კოსტუმირებული წარმოდგენა, რომელშიც მონაწილეობას მიიღებენ წინასწარ დარეგისტრირებული კონკურსანტები თამაშების ცნობილი პერსოპნაჟების კოსტიუმებით, რომლებიც მონაწილეებმა თავად შექმნეს.

გამოფენა

გამოფენაში მონაწილეობას მიიღებენ საბავშვო და გასართობი ტექნოლოგიური პროდუქტების მწარმოებელი მსოფლიო ბრენდები და ინდუსტრიაში მოღვაწე ლოკალური და საერთაშორისო კომპანიები, სტარტაპერები, რომლებიც წარმოადგენენ თავიანთ პროდუქტებსა და სერვისებს

ინდუსტრიაში მოღვაწე წამყვანი სპეციალისტების მასტერკლასები

მასტერკლასები ჩატარდება შემდეგი თემების შესახებ:

1.      ანიმაციური ფილმების წარმოება

2.      კომპიუტერული თამაშების წარმოება

3.      კომიქსების ინდუსტრია

4.      საბავშვო წიგნების წარმოება და ილუსტრაცია

5.      ანიმე ფილმების წარმოება

6.      ციფრული ხელოვნება და მხატვრობა

ფესტივალი "თბილისი მოლის" სხვადასხვა სივრცეში 4 ნოემბრის ჩათვლით გაგრძელდება.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია